ناتاليا گودۋنوۆا جوعارى اۋديتورلىق پالاتانىڭ ءتوراعاسى بولدى

استانا. قازاقپارات - قازاقستان پرەزيدەنتى ناتاليا گودۋنوۆانى ق ر جوعارى اۋديتورلىق پالاتاسىنىڭ ءتوراعاسى لاۋازىمىنا تاعايىندادى. ءتيىستى جارلىق اقوردانىڭ سايتىندا جاريالانعان، دەپ حابارلايدى قازاقپارات.

ناتاليا نيكولايەۆنا گودۋنوۆا 1972 -جىلى 24- مامىردا ورال قالاسىندا تۋعان.

باتىس قازاقستان اۋىل شارۋاشىلىعى ينستيتۋتىن (ەكونوميست ماماندىعى بويىنشا)، رەسەي فەدەراتسياسى ۇكىمەتىنىڭ جانىنداعى قارجى اكادەمياسىن بىتىرگەن.

ەڭبەك جولىن 1993 -جىلى «ورال اگروونەركاسىپبانكتە» ەكونوميست بولىپ باستاعان.

باتىس قازاقستان اۋماقتىق مەملەكەتتىك مۇلىكتى جانە اكتيۆتەردى باسقارۋ كوميتەتىنىڭ جەتەكشى مامانى، ءبولىم باستىعى، باتىس قازاقستان وبلىسى اكىمى اپپاراتىنىڭ ءبولىم مەڭگەرۋشىسى، باتىس قازاقستان وبلىستىق ەكونوميكا جانە بيۋدجەتتىك جوسپارلاۋ دەپارتامەنتىنىڭ ديرەكتورى (1997 - 2005)؛ قازاقستان رەسپۋبليكاسىنىڭ رەسەي فەدەراتسياسىنداعى ساۋدا وكىلىدىگىندە كەڭەسشى- ەكونوميست (2005-2006 )؛ ماڭعىستاۋ وبلىسى اكىمىنىڭ كەڭەسشىسى (2006-2009)؛ قازاقستان رەسپۋبليكاسىنىڭ رەسەي فەدەراتسياسىنداعى ساۋدا وكىلدىگىنىڭ كونسۋلتانتى، ورىنباسارى، مىندەتىن اتقارۋشى (2009-2011)؛ قازاقستان رەسپۋبليكاسى پرەمەر- ءمينيسترى ورىنباسارىنىڭ كەڭەسشىسى (2012-2013)؛ قىزىلوردا وبلىسى اكىمىنىڭ ورىنباسارى، ەكونوميكا، قارجى جانە جۇمىسپەن قامتۋ ماسەلەلەرىنە جەتەكشىلىك ەتتى (2013-2015)؛ «نۇر وتان» پارتياسىنىڭ حاتشىسى، «نۇر وتان» پارتياسىنىڭ ساياسي كەڭەسى بيۋروسىنىڭ مۇشەسى (2015-2017)؛ قازاقستان رەسپۋبليكاسى ورتالىق سايلاۋ كوميسسياسىنىڭ مۇشەسى (2017-2018).

2018 -جىلعى اقپاندا ەسەپ كوميتەتىنىڭ ءتوراعاسى بولىپ تاعايىندالدى.

قازاقستان رەسپۋبليكاسىنىڭ قۇرمەت گراموتاسى (2008) جانە «قۇرمەت» وردەنىمەن (2016) ماراپاتتالعان.