ەلوردا پوليتسياسى قالادا بولعان ميتينگكە قاتىستى جاعدايدى ءتۇسىندىردى
27 قاراشا, 11:31

ەلوردا پوليتسياسى قالادا بولعان ميتينگكە قاتىستى جاعدايدى ءتۇسىندىردى

استانا. قازاقپارات - استانا قالاسىنىڭ پوليتسياسى، 26- قارشا كۇنى ەلورادادا بولعان ميتينگكە قاتىستى جاعدايدى ءتۇسىندىردى، دەپ حابارلايدى قازاقپارات Polisia.kz سايتىنا سىلتەمە جاساپ.

26 -قاراشا كۇنى كەشكىسىن استاناداعى تۇنگى كلۋبتاردىڭ بىرىندە جاستارعا ارنالعان مادەني- بۇقارالىق ءىس- شارا ۇيىمداستىرىلدى. ۇيىمداستىرۋشى كاسىپكەر شاراعا 300-گە جۋىق جاستاردى جيناعان.

جيىن بارىسىندا ۇيىمداستىرۋشى جينالعاندارعا كورىنەۋ جالعان اقپارات بەرىپ، بەيبىت جينالىستار وتكىزۋدىڭ زاڭدا بەلگىلەنگەن ءتارتىبىن بۇزا وتىرىپ، ولاردى زاڭسىز شەرۋگە شاقىرعان. ارانداتۋ ناتيجەسىندە قوعامدىق ءتارتىپ ورەسكەل بۇزىلىپ، كولىك جانە الەۋمەتتىك ينفراقۇرىلىمنىڭ تولىققاندى جۇمىس ىستەۋىنە كەدەرگى كەلتىرىلگەن.

جيىنعا قاتىسۋشىلار پوليتسيانىڭ زاڭسىز ارەكەتتى توقتاتۋ تۋرالى تالابىن ەسكەرمەي، داۋىس كۇشەيتكىشتى قولدانعان، ۇيىمداستىرۋشىنىڭ شاقىرۋىمەن ءتارتىپتى بۇزۋدى جالعاستىرا بەرگەن.

قالا تۇرعىندارىنىڭ قاۋىپسىزدىگىن قامتاماسىز ەتۋ ماقساتىندا پوليتسيا زاڭسىز ارەكەتتەردىڭ جولىن كەسۋ شارالارىن قابىلداۋعا ءماجبۇر بولدى. بۇل رەتتە زاڭسىز شەرۋگە قاتىسۋشىلار قىزمەتكەرلەرگە باعىنباي، قارسىلىق كورسەتتى.

«قازىرگى ۋاقىتتا كىنالى ادامدار انىقتالىپ، پوليتسياعا جەتكىزىلدى. ولاردىڭ ءىس- ارەكەتتەرىنە بەلگىلەنگەن تارتىپپەن قۇقىقتىق باعا بەرىلەدى»، - دەلىنگەن حابارلامادا.

جاڭالىقتار