مۇرات نۇرتىلەۋ ق ر پرەزيدەنتى اكىمشىلىگىنىڭ باسشىسى لاۋازىمىنا تاعايىندالدى

استانا. قازاقپارات - مەملەكەت باسشىسىنىڭ جارلىعىمەن مۇرات ءابۋعالي ۇلى نۇرتىلەۋ قازاقستان رەسپۋبليكاسى پرەزيدەنتى اكىمشىلىگىنىڭ باسشىسى لاۋازىمىنا تاعايىندالدى. بۇل تۋرالى قازاقپارات اقورداعا سىلتەمە جاساپ حابارلايدى.

مۇرات ءابۋعالي ۇلى نۇرتىلەۋ 1976 -جىلى دۇنيەگە كەلدى.

ءال- فارابي اتىنداعى قازاق مەملەكەتتىك ۇلتتىق ۋنيۆەرسيتەتىن بىتىرگەن. حالىقارالىق قاتىناستار سالاسى مامانى. ديپلوماتيالىق دارەجەسى - ءبىرىنشى سىنىپتى كەڭەسشى. سىرتقى ىستەر مينيسترلىگىنىڭ مەملەكەتتىك حاتتاما باسقارماسىنىڭ رەفەرەنتى، اتتاشەسى، قازاقستان رەسپۋبليكاسىنىڭ مالايزياداعى ەلشىلىگىنىڭ اتتاشەسى، قازاقستان رەسپۋبليكاسى سىرتقى ىستەر مينيسترلىگى ازيا جانە افريكا دەپارتامەنتىنىڭ ەكىنشى حاتشىسى، قازاقستان رەسپۋبليكاسى سىرتقى ىستەر ءمينيسترىنىڭ كەڭەسشىسى، سىرتقى ىستەر ءمينيسترى حاتشىلىعىنىڭ باسشىسى قازاقستان رەسپۋبليكاسى پارلامەنتى سەناتى اپپاراتى باسشىسىنىڭ ورىنباسارى بولىپ قىزمەت ىستەگەن.

2007-2011 -جىلدارى سەنات اپپاراتىنىڭ باسشىسى بولىپ قىزمەت اتقاردى. 2011 -جىلى ق ر سىرتقى ىستەر مينيسترلىگىنىڭ ەرەكشە تاپسىرمالار جونىندەگى ەلشىسى، ق ر س ءى م ازيا جانە افريكا دەپارتامەنتىنىڭ ديرەكتورى. جەنيەۆاداعى (شۆەيساريا كونفەدەراتسياسى) ق ر تۇراقتى وكىلدىگىندە كەڭەسشى ۋاكىل (2011-2014)؛

ق ر پرەزيدەنت اكىمشىلىگى سىرتقى ساياسات ورتالىعى مەڭگەرۋشىسىنىڭ ورىنباسارى (2014-2016). قازاقستان رەسپۋبليكاسىنىڭ فينليانديا رەسپۋبليكاسىنداعى توتەنشە جانە وكىلەتتى ەلشىسى (2016 -جىلعى ناۋرىزدان)، قازاقستان رەسپۋبليكاسىنىڭ ەستونيا رەسپۋبليكاسىنداعى توتەنشە جانە وكىلەتتى ەلشىسى (2017-2019) مىندەتىن قوسا اتقارۋشى بولدى. ق ر پرەزيدەنتىنىڭ كومەكشىسى (2019-2021).

2022 -جىلدىڭ 5- قاڭتارىندا قازاقستان رەسپۋبليكاسى ۇلتتىق قاۋىپسىزدىك كوميتەتى ءتوراعاسىنىڭ ءبىرىنشى ورىنباسارى لاۋازىمىنا تاعايىندالدى.

2022 -جىلدىڭ 1- اقپانىندا ق ر پرەزيدەنتى اكىمشىلىگىنىڭ باسشىسى لاۋازىمىنا تاعايىندالدى. بۇگىنگى كۇنگە دەيىن سول قىزمەتتە بولدى.

رەداكتور

گۇلنۇر عازيز قىزى