قازاق كۇرەسىنەن قاجىمۇقان مۇڭايتپاسوۆ جۇلدەسىنە ارنالعان ازيا كۋبوگى اياقتالدى
ەكى كۇنگە سوزىلعان ءدۇبىرلى دودادا «تۇيە بالۋان» اتانعان تالانتتى سپورتشى تەمىرلان كولباي كوپشىلىكتىڭ ىستىق ىقىلاسىنا بولەندى.
ول باس جۇلدەگە يە بولىپ، «نيۆا» اۆتوكولىگىن جەڭىپ الدى.
ال الماتى وبلىسىنىڭ وكىلى مادي ەدىلبايەۆ كۇمىس جۇلدەگەر اتانسا، قولا جۇلدەنى اباي وبلىسىنىڭ ماقتانىشى اسەت احمەتجانوۆ قاناعات تۇتتى.
جەڭىمپازدار مەن جۇلدەگەرلەردى تۇركىستان وبلىسى دەنە شىنىقتىرۋ جانە سپورت باسقارماسىنىڭ باسشىسى قانات جولدىقارايەۆ پەن كۇرەستىڭ بىلىكتى مامانى قۋات بايحودجايەۆ، سونىمەن قاتار قازاق كۇرەسىنەن قازاقستاننىڭ مەملەكەتتىك جاتتىقتىرۋشىسى جەڭىس بيتكوزوۆ ماراپاتتادى.
ايتا وتەرلىگى، الامان كۇرەس دوداسىنىڭ باس جۇلدەسىنە ورداباسى اۋدانىنىڭ اكىمى نۇربەك بادىراقوۆ دەمەۋشى بولىپ، ورداباسىلىقتار اتىنان اۆتوكولىكتى سىيعا تارتتى.
وسىلايشا قاجىمۇقاننىڭ جەرلەستەرى قازاق كۇرەسىنىڭ جاڭعىرۋىنا ۇلەس قوستى.
قازاق كۇرەسى قاۋىمداستىعى وكىلدەرىنىڭ ايتۋىنشا، قاجىمۇقان اتىنداعى ازيا كۋبوگىن جىل سايىن ءداستۇرلى تۇردە ۇيىمداستىرۋ جوسپارلانىپ وتىر.