20:50, 25 - قاراشا 2022 | GMT +6
برازيليادا قالا اكىمىن جۇمىس ورنىندا اتىپ كەتتى
استانا. قازاقپارات - برازيلياداعى لاجەادو- دۋ- بۋگرە قالاسىنىڭ ءمەرى روبەرتا ماكيەل دۋش سانتۋستى جۇمىس ورنىندا اتىپ كەتتى، دەپ حابارلايدى G1.
پورتالدىڭ حابارلاۋىنشا، بەلگىسىز ەر ادام اكىمدىككە باسىپ كىرىپ، ونى جۇمىس ورنىندا اتىپ كەتكەن. قىلمىسكەر قالا اكىمشىلىگىنىڭ تاعى ءبىر قىزمەتكەرىن دە جارالاپ، كەيىن ول پالمەيرا- داس- ميسسوەس اۋرۋحاناسىنا جەتكىزىلگەن. قۇقىق قورعاۋ ورگاندارى قازىرگى ۋاقىتتا ونىڭ وق جاراقاتىمەن اۋرۋحانادا جاتقانىن اتاپ ءوتتى.
«تاڭەرتەڭ بەتپەردە كيگەن ادام لاجەادو- دۋ- بۋگرە قالاسى ءمەرىنىڭ كەڭسەسىنە باسا- كوكتەپ كىردى. ول ەكى ادامدى اتىپ، كولىككە وتىرىپ قاشىپ كەتتى. روبەرتو ماكيەل وقيعا ورنىندا كوز جۇمدى»، دەپ حابارلادى جەرگىلىكتى پوليسيا.
ايانا توعانبەك
Egemen.kz