شىعىس قازاقستاندا بورانعا بايلانىستى ەكى جول جابىلدى

وسكەمەن. قازاقپارات - شىعىس قازاقستان وبلىسىندا بورانعا بايلانىستى ەكى جول جابىلدى، دەپ حابارلايدى قازاقپارات ءتىلشىسى.

ش ق و توتەنشە جاعدايلار دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، وڭىردەگى ەكى جولدا كولىك قوزعالىسىنا تىيىم سالىندى.

«25- قاراشا كۇنى ساعات 10.30-دان باستاپ «وسكەمەن- تاۋلى ءۇلبى- سولتۇستىك» تاسجولىنىڭ 38-60 شاقىرىمىندا («التاي ءالپىسى» دەمالىس بازاسى مەن سيەۆەرنوە اۋىلىنىڭ اراسى) جانە وسكەمەن قالاسىنىڭ ىرگەسىندەگى نوۆوترويتسكوە اۋىلىنا كىرەبەرىس جولدىڭ 0-22 شاقىرىمى كولىكتىڭ بارلىق تۇرىنە جابىلدى. بۇعان بوران، قاتتى جەل مەن جولدىڭ دۇرىس كورىنبەۋى سەبەپ بولىپ وتىر»، - دەلىنگەن اقپاراتتا.

اۆتور

تالعاتجان مۇحامەتبەك ۇلى