الماتىدا اسفالت وپىرىلىپ، اۆتوبۋس شۇڭقىرعا ءتۇسىپ كەتتى
«الاتاۋ اۋدانى، مادەنيەت (راحات) ىقشام اۋدانىندا ءبارى وپىرىلىپ جاتىر. بىزدە ەشقاشان جول جوندەلگەن ەمەس، تەك جاماۋدىڭ ۇستىنە جاماۋ. سونداي-اق جاياۋ جۇرەتىن جول دا جوق، ءبارى جارامسىز. كولىكتەر مەن اۆتوبۋستار وتە المايدى»، - دەپ جازدى جەلى قولدانۋشى.
الماتى قالالىق ەنەرگەتيكا باسقارماسىنىڭ مالىمەتىنشە، قازىر ماماندار اتالعان مەكەنجايعا اتتانىپتى. وپىرىلىپ تۇسكەن جەر ارنايى لەنتامەن قورشالعان، جاقىن ارادا قالپىنا كەلتىرۋ جۇمىستارى جۇرگىزىلەتىن بولادى.
«سۆيازسترويمەحانيزاتسيا» ج ش س مەردىگەر ۇيىمىنىڭ كەپىلدى مىندەتتەمە نەگىزىندە راحات (مادەنيەت) شاعىن اۋدانىندا ماگيسترالدىق سۋ قۇبىرى جانە كارىز جەلىلەرىنىڭ قۇرىلىسى بويىنشا قۇرىلىس-مونتاج جۇمىستارى 2019-جىلى اياقتالدى. قازىرگى ۋاقىتتا مەردىگەر كومپانيا قاتتى جاۋىن-شاشىننان كەيىن پايدا بولعان شۇڭقىرلاردى تولتىرىپ جاتىر. جاقىن ارادا قايتا قالپىنا كەلتىرۋ جۇمىستارىن جۇرگىزەدى»، - دەپ حابارلادى باسقارمادان.