21:04, 22 - قاراشا 2022 | GMT +6
تەڭگە باعامى تۋرالى بولجام جاسالدى
استانا. قازاقپارات - قازاقستاندا تەڭگە باعامىنىڭ كۇرت قۇبىلۋى بولمايدى. بۇل جونىندە جۋرناليستەرگە پرەمەر- ءمينيستردىڭ ورىنباسارى - قارجى ءمينيسترى ەرۇلان جاماۋبايەۆ مالىمدەدى.
ءتول تەڭگەنىڭ ماسكەۋلىك بيرجاداعى ساۋدا اينالىمى تاريحي ماكسيمۋمىنا جەتكەنى بەلگىلى. بۇنداي جاعداي ۇلتتىق ۆاليۋتاعا قالاي اسەر ەتۋى مۇمكىن ەكەنى دە مينيستردەن سۇرالعان بولاتىن.
ەرۇلان جاماۋبايەۆ، ق ر پرەمەر- ءمينيسترىنىڭ ورىنباسارى- قارجى ءمينيسترى:
- بىزدە تەڭگەگە اسەر ەتەتىن ءتۇرلى فاكتورلار بار. سونىڭ ءبىرى رۋبل باعامى بولۋى مۇمكىن. قازىر وزدەرىڭىز بايقاعانداي، قاتتى وزگەرىستەر بولىپ جاتقان جوق. سوڭعى كەزدە تەڭگە ءتىپتى دوللار مەن رۋبلگە قاراعاندا كۇشەيىپ كەلەدى.
www.24.kz