اقپاراتتىق-تالداۋ ورتالىعىنا ا. بايتۇرسىن ۇلىنىڭ ەسىمى بەرىلمەك

None
استانا. قازاقپارات - وقۋ-اعارتۋ مينيسترلىگىنە قاراستى «اقپاراتتىق-تالداۋ ورتالىعىنىڭ» اتاۋى «ا. بايتۇرسىن ۇلى اتىنداعى ءبىلىمدى زەرتتەۋ مەن باعالاۋدىڭ ۇلتتىق ورتالىعى» ا ق بولىپ وزگەرتىلمەك.

بۇل تۋرالى «اشىق» ن ق ا پورتالىندا جاريالانعان ۇكىمەت قاۋلىسىندا كورسەتىلگەن، دەپ حابارلايدى قازاقپارات ءتىلشىسى.

«اقپاراتتىق- تالداۋ ورتالىعى» اكسيونەرلىك قوعامى ا. بايتۇرسىن ۇلى اتىنداعى ءبىلىمدى زەرتتەۋ مەن باعالاۋدىڭ ۇلتتىق ورتالىعى اكسيونەرلىك قوعامى بولىپ اتالسىن. قازىرگى ۋاقىتتا «اقپاراتتىق-تالداۋ ورتالىعى» ا ق «ۇلتتىق ءبىلىم بەرۋ دەرەكتەر قورى» ا ج كورسەتكىشتەرى نەگىزىندە ءبىلىم بەرۋ سالاسىنداعى زەرتتەۋ قىزمەتىمەن اينالىسادى. سونىمەن قوسا، تالداۋ جۇمىستارىن جۇرگىزەدى جانە ءبىلىم بەرۋ جۇيەسىنىڭ احۋالى مەن دامۋى تۋرالى ۇلتتىق باياندامانى ازىرلەيدى. ورتالىق قازاقستاندا ءبىلىم ساپاسىن باعالاۋدىڭ حالىقارالىق سالىستىرمالى زەرتتەۋلەرىنە (PISA ،PBTS ،TALIS ،TIMSS ،ICILS ،PIRLS) قاتىسۋى ارقىلى ءبىلىم ساپاسىن باعالاۋدى جۇزەگە اسىرادى»، - دەپ جازىلعان قاۋلىدا.

قۇجاتتا كورسەتىلگەندەي، بۇل باستاما احمەت بايتۇرسىن ۇلىنىڭ اعارتۋ ىسىندەگى تاريحي ءرولىن ەسكەرە وتىرىپ ۇسىنىلعان. جوبانى ىسكە اسىرۋ ءۇشىن رەسپۋبليكالىق بيۋدجەتتەن قوسىمشا قاراجات تالاپ ەتىلمەيدى.

قاۋلىنى اشىق تالقىلاۋ 5-جەلتوقسانعا دەيىن جالعاسادى.

سوڭعى جاڭالىقتار