ب ۇ ۇ: الداعى جىلى ءۇندىستان حالقىنىڭ سانى قىتايلىقتاردان اسىپ تۇسەدى

None
مۋمباي. EVRONEWS - قازاقپارات - الداعى جىلى ءۇندىستان حالقى سانى جاعىنان قىتايدان اسىپ ءتۇسىپ، الەمدەگى ەڭ تىعىز ورنالاسقان مەملەكەتكە اينالادى.

بۇل تۋرالى بەيسەنبى كۇنى جاريالانعان ب ۇ ۇ بايانداماسىندا ايتىلعان، دەپ حابارلايدى قازاقپارات Evronews.com سايتىنا سىلتەمە جاساپ.

سايتتاعى دەرەكتەرگە قاراعاندا، الداعى بىرنەشە ونجىلدىقتا حالىق سانى 1,4 ميلليارد بولىپ تابىلاتىن ءۇندىستان حالقىنىڭ قالالىق جەردەگى سانى ەرەكشە قارقىنمەن وسەدى. بۇل جاعداي ساراپشىلاردى الاڭداتىپ وتىر. سەبەبى ءۇندىستاننىڭ مەگاپوليستەرىندە قازىردىڭ وزىندە حالىق وتە تىعىز ورنالاسقان جانە وندا قاجەتتى ينفراقۇرىلىم جوق.

قالىپتاسقان جاعداي قاراپايىم ءۇندىستاندىقتاردى دا الاڭداتىپ وتىر: «دەلي وسىدان 5 جىل بۇرىن عانا مۇنداي ەمەس ەدى. مۇنداعى حالىق سانى وتە كوپ بولىپ كەتتى»، - دەيدى جەرگىلىكتى ايەل.

«مەن ساۋدا جاساۋعا بارۋ كەرەك پا، جوق پا دەپ ويلانىپ تۇرمىن. ەگەر مەن قۇجىناعان ادامداردىڭ اراسىنا كىرەتىن بولسام، تىنىس الۋ قيىنداپ كەتەدى. مەنىڭشە جاڭا بۋىندى الدىدا ۇلكەن پروبلەمالار كۇتىپ تۇر»، - دەدى ەر ادامداردىڭ ءبىرى.

«حالىق سانىنىڭ ءوسۋى ادامدار كوبەيەدى، ال جۇمىس تابۋ قيىنداي تۇسەدى دەگەندى بىلدىرەدى»، - دەيدى تاعى ءبىر تۇرعىن.

مۋمبايدا تۇرعىنداردىڭ %40 سۋ قۇبىرى، ەلەكتر مەن كارىز جۇيەسى جوق اۋىلداردا تۇرادى. كەدەيشىلك دەڭگەيى ءوسىپ كەتكەن ەلدەردە حالىق سانانىڭ ءوسۋى ايتارلىقتاي قيىندىقتار تۋدىرادى، دەيدى بايانداما اۆتورلارى.

ال قىتايدا 1980 جانە 2015 -جىلدار ارالىعىندا جۇرگىزىلىپ، جاقىندا عانا توقتاتىلعان «جالعىز بالا ساياساتى» ءوزىنىڭ ناتيجەسىن بەردى. ب ۇ ۇ وكىلدەرى كەلەسى جىلدان باستاپ قىتاي حالقىنىڭ سانى قىسقارا تۇسەتىنىن ايتادى.

ب ۇ ۇ مالىمەتتەرى بويىنشا، 2050 -جىلعا دەيىنگى ءوسىمنىڭ جارتىسىنان كوبى كونگو دەموكراتيلىق رەسپۋبليكاسى، مىسىر، ەفيوپيا، ءۇندىستان، نيگەريا، پاكىستان، فيليپپين جانە تانزانيا سياقتى 8 مەملەكەتكە تيەسىلى.

عاسىر سوڭىنا دەيىن حالقى ەڭ تىعىز ورنالاسقان قالالار نيگەرياداعى لاوس، كونگو دەموكراتيالىق رەسپبليكاسىنداعى كينشاس پەن تانزانياداعى دار- ەس- سالام قالالارى بولادى.

ۆيدەودان الىنعان كادر ru.euronews.com

سوڭعى جاڭالىقتار