استانادا قاسىم، جومارت جانە كەمەل ەسىمدى ۇشەم دۇنيەگە كەلدى

استانا. قازاقپارات - ەلوردادا ءسابيت پەن مارالدىڭ وتباسىندا قاسىم، جومارت جانە كەمەل ەسىمدى ۇشەم دۇنيەگە كەلدى، دەپ حابارلايدى قازاقپارات استانا اكىمدىگىنىڭ رەسمي سايتىنا سىلتەمە جاساپ.

ۇشەمنىڭ اتا-اناسى 2№ كوپبەيىندى قالالىق اۋرۋحانانىڭ دارىگەرلەرىنە العىس بىلدىرۋدە.

جاس انا جۇبايىنىڭ جانىندا مەدبيكە بولىپ قىزمەت ىستەيدى. جۇبايى - ءتىس دارىگەرى. ولار العاش رەت اتا-انا اتانىپ وتىر، بالالارعا ەسىمدەرىن اتاسى قويعان.

ۇشەمدەر ءارقايسىسى شامامەن 1000 گرام سالماقپەن مەرزىمىنەن بۇرىن دۇنيەگە كەلگەن. ولار بولىمشە مەڭگەرۋشىسى يرينا تسۋبەنكو باستاعان دارىگەرلەر نازارىندا جاڭا تۋعان نارەستەلەر پاتولوگياسىن كۇتۋ بولىمىندە بولدى.

«وتا جاساعان جانە جالپى 2№ ك ق ا- نىڭ اكۋشەرلىك بلوگىنا ۇلكەن العىسىمدى بىلدىرەمىن. مەديتسينالىق مەكەمەلەردە قولايلى جاعداي جاساپ، زاماناۋي جابدىقتارمەن قامتاماسىز ەتكەنى ءۇشىن جانە مامانداردىڭ جوعارى كاسىبيلىگى ءۇشىن العىسىم شەكسىز. سىزدەردىڭ ارقالارىڭىزدا بۇلدىرشىندەرىمىز تولىققاندى ءومىر سۇرۋگە جانە جارقىن بولاشاققا قۇقىلى!» - دەدى ۇشەمنىڭ اناسى مارال سوپپەك.