جامبىل اۋدانىندا تۇركى داۋىرىنە تيەسىلى جادىگەر تابىلدى

None
استانا. قازاقپارات - جامبىل اۋدانىندا تۇركى داۋىرىنە تيەسىلى جادىگەر تابىلدىجامبىل اۋدانىندا تۇركى داۋىرىنە تيەسىلى جادىگەر تابىلدى.

الماتى وبلىسى جامبىل اۋدانىندا جۇمىسشىلار ءۇي اۋلاسىنا سۋ قۇبىرىن تارتۋ كەزىندە ەجەلگى تۇركى داۋىرىنە جاتاتىن جادىگەردى كەزدەيسوق تاۋىپ العان، - دەپ حابارلايدى Tengrinews.kz ءتىلشىسى Almaty.tv تەلەارناسىنا سىلتەمە جاساپ.

تەلەارنا مالىمەتىنشە، ورازبەكوۆتار وتباسى ادامنىڭ بەت- الپەتى بەينەلەنگەن تاس ءمۇسىن اتا- بابالارىنا جارتى عاسىر بۇرىن تيەسىلى بولعانىنا سەنىمدى. ول كەزدە ولاردىڭ ارعى اتاسى ەلامان اۋىلدا قۇرمەتتى ادام بولعان جانە بالبالتاس ونىڭ ۇيىندە ساقتالعان، سودان كەيىن ونى ۇلى ق ۇلىمبايعا تاپسىرعان.

«اتامىز ەلامان وسى تاستى ساقتاعان. ءبىزدىڭ اتا-بابالارىمىز وعان جىلقىلاردى بايلاعان، ال قۇرتتى كەپتىرۋ ءۇشىن ءىلىپ قوياتىن بولعان. كەڭەس وكىمەتى كەزىندە بۇل جادىگەر نەمەسە قۇندىلىق بولۋى مۇمكىن ەكەنىن ءبىز دە بىلمەدىك»، - دەيدى ءشيلىباستاۋ اۋىلىنىڭ تۇرعىنى روزا شۇلعاۋبايەۆا.

تابىلعان بالبالتاستىڭ بيىكتىگى شامامەن ءبىر مەتر بولادى، ەنى - 70-80 سانتيمەتر. تاس تۋرالى جەرگىلىكتى تۇرعىندار كوپ ەستىگەن. ال وتباسى مۇشەلەرىنىڭ وزدەرى بۇل جەردە تاعى ەكى بالبالتاس كومىلۋى مۇمكىن ەكەنىن ايتادى. ولاردىڭ ءبىرى - ايەل.

«بالا كەزىمىزدە نە ىستەمەدىك؟ تاسقا ات سياقتى مىنەتىنبىز. دوپ ويناعان كەزدە قاقپا رەتىندە پايدالاندىق. ول كەزدە ەكى تاس بولعان»، - دەدى ءشيلىباستاۋ تۇرعىنى نۇرداۋلەت بايبوسىنوۆ.

ارحەولوگتار بۇل ولجا ەجەلگى تۇركى كەزەڭىنە جاتۋى مۇمكىن ايگىلى بالبالتاس ەكەنىن راستادى.

«ەجەلدەن بەرى بالبالتاستار قايتىس بولعان ادامداردىڭ قابىرلەرىنە ايرىقشا بەلگى رەتىندە ورناتىلدى. ولاردىڭ كوپشىلىگى بۇگىندە جوعالىپ كەتتى. كوبى قيرادى»، - دەدى «تاڭبالى» تاريحي- مادەني جانە تابيعي قورىق- مۋزەيى ءبولىمىنىڭ باستىعى قۋانىش نۇرماقسۇتوۆ.

سوڭعى جاڭالىقتار