ءۇندى شەبەرى تەمەكىدەن ويىنشىق جاساۋدى كاسىپكە اينالدىرعان

استانا. قازاقپارات - قالاۋىن تاپسا قوقىستان دا مول تابىس تابۋعا بولادى. ءۇندىستان استاناسىندا نامان گۋپتا ەسىمدى ازاماتتىڭ كاسىبى وسىعان دالەل.

بيزنەسمەن تەمەكى قالدىعىنان ويىنشىقتار جاساۋدى جولعا قويا بىلگەن. ول بۇل ءۇشىن كۇن سايىن دەلي كوشەلەرىندەگى شاشىلعان قالدىقتاردى جيناپ، ءوز ونەركاسىبىندە وڭدەيدى. شىلىمنىڭ ناسىبايىنان تىڭايتقىش، ال سۇزگىشىنەن جۇمساق ويىنشىقتار مەن جاستىق جاسايدى.

قاعازى دا جەكە جينالىپ وڭدەلەدى. بيزنەسمەن ءوز كاسىبىمەن قورشاعان ورتانى لاستانۋدان قورعاپ جاتقانىن ايتادى. ال ءۇندىستاندا 267 ميلليون ادام تەكەمى شەگەدى ەكەن.

«كاسىبىمدى جاقسى جولعا قويۋ ءۇشىن كوپ ەڭبەك ەتتىم. باستاپقىدا 10 گرامم عانا تالشىق جيناۋشى ەدىك. قازىر كۇنىنە 1 مىڭ كەلى تالشىق دايىندايمىز. بيىل ناۋرىزعا دەيىن 1 ميللياردتان اسا شىلىم قالدىعىن وڭدەدىك. ەندى اي سايىن 300 توننا قالدىقتى وڭدەۋدى جولعا قويماق ويدامىز»، دەيدى Code Effort Private Limited كومپانياسىنىڭ ديرەكتورى نامان گۋپتا.

24.kz