سەمەي قالاسىنىڭ اكىمى تاعايىندالدى

سەمەي. قازاقپارات - نۇربول نۇرساعاتوۆ سەمەي قالاسىنىڭ اكىمى بولىپ تاعايىندالدى. بۇل تۋرالى اباي وبلىسى اكىمدىگىنىڭ باسپا ءسوز قىزمەتىنەن ءمالىم ەتتى، دەپ حابارلايدى قازاقپارات.

نۇرساعاتوۆ نۇربول تولەگەن ۇلى شىعىس قازاقستان وبلىسىندا دۇنيەگە كەلگەن. ە. ا. بوكەتوۆ اتىنداعى قاراعاندى مەملەكەتتىك ۋنيۆەرسيتەتىن، ل. ب. گونچاروۆ اتىنداعى قازاق اۆتوموبيل جول ينستيتۋتىن بىتىرگەن. ەڭبەك جولىن 2003 -جىلى باستاعان. ق ر يندۋستريا جانە ساۋدا مينيسترلىگىنىڭ قۇرىلىس ىستەرى جونىندەگى كوميتەتىندە جۇمىس ىستەدى.

2008-2011 -جىلدارى - استانا قالاسى اكىمدىگىنىڭ قۇرىلىس باسقارماسى باسشىسىنىڭ ورىنباسارى. ق ر اۋىل شارۋاشىلىعى مينيسترلىگىنىڭ سۋ رەسۋرستارى كوميتەتى ءتوراعاسىنىڭ ورىنباسارى قىزمەتىن اتقاردى.

ش ق و اكىمدىگىنىڭ كولىك جانە اۆتوموبيل جولدارى باسقارماسىنىڭ، الماتى قالاسىندا قۇرىلىس باسقارماسىنىڭ، استانا قالاسى قورشاعان ورتانى قورعاۋ باسقارماسىنىڭ باسشىسى لاۋازىمىن اتقارعان. نۇر-سۇلتان قالاسى «بايقوڭىر» جانە «الماتى» اۋداندارىنىڭ اكىمى بولعان. بۇگىنگى تاعايىنداۋعا دەيىن اباي وبلىسى اكىمىنىڭ ورىنباسارى بولدى.