جەتىسۋ وبلىسىندا كولىك ەسەككە سوعىلىپ، ءبىر ادام كوز جۇمدى

جەتىسۋ وبلىسى. قازاقپارات - «باتىس قىتاي- باتىس ەۋروپا» تاس جولىندا ەسەككە سوعىلعان كولىكتەگى 3 ادام زارداپ شەكتى، دەپ حابارلايدى قازاقپارات polisia.kz سايتىنا سىلتەمە جاساپ.

«جول-كولىك وقيعاسى 6-قازان كۇنى كەشكە «باتىس قىتاي-باتىس ەۋروپا» تاس جولىنىڭ 275- شاقىرىمىندا بولعان. Audi A-4 كولىگى جولعا شىعىپ كەتكەن ەسەككە سوقتىعىسقان. 21 جاستاعى جۇرگىزۋشى وقيعا ورنىندا كوز جۇمدى. سونداي-اق ەكى ادام اۋرۋحاناعا جەتكىزىلدى»، - دەلىنگەن حابارلامادا.

تەرگەۋ ق ر قىلمىستىق كودەكسىنىڭ 345-بابى 3-بولىگى بويىنشا جۇرگىزىلىپ جاتىر. ەسەكتىڭ يەسى ءالى انىقتالعان جوق.