ورالدا جازاسىن وتەۋشىلەردى ۇرىپ-سوققان كولونيا قىزمەتكەرلەرى سوتتالدى

None
ورال. قازاقپارات - ورال قالالىق سوتىندا ب ق و بويىنشا قىلمىستىق-اتقارۋ جۇيەسى دەپارتامەنتى ر ۋ-170/1 مەكەمەسىنىڭ قىزمەتكەرلەرىنە قاتىستى ۇكىم شىقتى، دەپ حابارلايدى قازاقپارات ءتىلشىسى.

سۋديا ماعيرا قيتاروۆا جاريا ەتكەن ۇكىمگە سايكەس، ر ۋ-170/1 مەكەمەسى رەجيم جانە كۇزەت ءبولىمى باستىعىنىڭ ورىنباسارى، 1992 -جىلعى سەرجان وتەگەنوۆ، قاراۋ توبىنىڭ ۋاكىلەتتى وكىلدەرى: 1993 -جىلعى سامارحان سالتايەۆ، 1994 -جىلعى دارحان بايتورييەۆ جانە باقىلاۋشى، 2000 -جىلعى الپامىس كەنجەش ق ر ق ك 146-بابى 2-بولىگى 1-تارماعىمەن (الدىن الا ءسوز بايلاسۋ ارقىلى ادامدار توبىمەن جاسالعان ازاپتاۋلار) ايىپتى دەپ تانىلدى.

س. وتەگەنوۆ پەن س. سالتايەۆ 4 جىلعا باس بوستاندىعىنان ايىرۋ جازاسىن شارتتى تۇردە وتەۋگە سوتتالدى. سونداي-اق، س. وتەگەنوۆ ادىلەت اعا لەيتەنانتى، س. سالتايەۆ ادىلەت كاپيتانى شەنىمەن قوشتاستى. ولارعا پروباتسيالىق باقىلاۋ ورناتىلادى.

د. بايتورييەۆ 3 جىلعا باس بوستاندىعىنان ايىرۋ جازاسىن قاۋىپسىزدىگى ورتاشا قىلمىستىق-اتقارۋ جۇيەسى مەكەمەسىندە وتەيدى. ادىلەت لەيتەنانتى شەنىنەن ايىرىلدى.

ا. كەنجەش 3,5 جىلعا باس بوستاندىعىنان ايىرۋ جازاسىن قاۋىپسىزدىگى ورتاشا قىلمىستىق- اتقارۋ جۇيەسى مەكەمەسىندە وتەۋگە سوتتالدى. كىشى سەرجانت شەنىنەن ايىرىلدى.

سوتتالۋشىلاردىڭ ءبارى دە ءۇش جىلعا بيلىك وكىلى قىزمەتىن اتقارۋ قۇقىعىنان ايىرىلدى.

سوت تالقىسىندا ءمالىم بولعانىنداي، اتالمىش مەكەمەنىڭ ەكىنشى قاباتىنداعى №20-كامەرادا وتكەن جىلدىڭ 27- اقپانىنان 1- ناۋرىزىنا دەيىن وسىندا جازاسىن وتەۋگە كەلگەندەر ۆيتالي ۋكولوۆ، الەكسەي كەرەيەۆ، يۆان وبروۆەتس، ارتەم ترايسوۆ، رومان يباتۋللين، ماعجان تۇيماليەۆ، نيكولاي بولدىريەۆ، رۋبەك سەيتكەرەيەۆ جانە باتىرحان ابدوللا جاتقان. 27 -اقپان كۇنى ساعات 20:00-دە باقىلاۋشى ا. تولەيەۆ جۇمىسىنا كىرىسىپ، تۇندە ۆ. ۋكولوۆتىڭ ۇيىقتاماي جاتقانىن كورىپ، دورەكى تۇردە ەسكەرتۋ جاساپ، سوزگە كەلگەن. باسقا جازاسىن وتەۋشىلەر ويانىپ، تىنىشتىقتى بۇزعانى ءۇشىن ا. تولەيەۆكە سويلەگەن. سودان كەيىن تولەيەۆ ۋكولوۆتىڭ وسى قىلىعى ءۇشىن «بۇكىل كامەرا ازاپ شەگەتىنىن» ايتقان.

تولەيەۆ 1-ناۋرىز كۇنى كۇندىز كەزەكشىلىككە كەلىپ، بولعان وقيعانى سوتتالۋشىلارعا جەتكىزگەن. سول كۇنى وتەگەنوۆ، تولەيەۆ جانە كەنجەش №20 كامەرادان جازاسىن وتەۋشىلەردى شىعارىپ، ساپقا تۇرعىزىپ، مەديتسينالىق- سانيتارلىق بولىمگە قاراي دالىزبەن الىپ جۇرگەن. سوسىن قابىرعا جانىنا تۇرعىزعان. كابينەتكە جازاسىن وتەۋشىلەردى كەزەكپەن الىپ كەلىپ، ولاردى كولونيا قىزمەتكەرلەرى ۇرىپ- سوققان. الدىمەن ۆ. ۋكولوۆ تاياققا جىعىلعان، سودان كەيىن قالعاندارىنا كەزەك كەلگەن. كولونيا قىزمەتكەرلەرى ارنايى قۇرال - رەزەڭكە تاياعىن دا قولدانعان.

سوتتالۋشىلار كىناسىن مويىنداعان جوق. ءبىراق، ولاردىڭ كىناسى تولىقتاي دالەلدەندى.

سونىمەن قاتار، سوت سوتتالۋشىلارعا ي. وبروۆەتس پەن م. تۇيماليەۆكە 500 مىڭ تەڭگەدەن، ا. ترايسوۆقا 1 ميلليون تەڭگە كولەمىندە مورالدىق وتەماقى تولەۋدى مىندەتتەدى. ال، ۆ. ۋكولوۆتىڭ ەمدەۋ شىعىنىن تالاپ ەتۋگە قۇقىعى بار.

سوت ۇكىمى زاڭدى كۇشىنە ەنگەن جوق.

ەسكە سالا كەتەيىك، بۇدان بۇرىن اسا ءىرى كولەمدە پارا العان ورال قالاسى قۇرىلىس ءبولىمىنىڭ باسشىسى 11 جىلعا سوتتالعانىن جازعان بولاتىنبىز.


اۆتور

عايساعالي سەيتاق


سوڭعى جاڭالىقتار