وزبەكستاندا تۋىستاردىڭ ءبىر-بىرىنە ۇيلەنۋىنە زاڭ جۇزىندە تىيىم سالىنادى
وزبەكستاننىڭ وتباسى كودەكسىنە وزگەرىس ەنگىزۋ تۋرالى زاڭ جوباسى تۋىستاردىڭ نەكەگە تۇرۋىنا تىيىم سالۋدى كوزدەيدى.
«قوعام دامۋىنىڭ زاماناۋي ەرەكشەلىكتەرى وتباسىن نىعايتۋعا، بالالاردىڭ قۇقىقتارى مەن زاڭدى مۇددەلەرىن قورعاۋعا، جاقىن تۋىستارىنىڭ نەكەگە تۇرۋىنا جول بەرمەۋگە باعىتتالعان زاڭنامانى جەتىلدىرۋدى تالاپ ەتەدى»، - دەلىنگەن زاڭ جوباسىندا.
ەندى كودەكستە تۋىستار اراسىنداعى، تۋىسقان اعا-ءىنى مەن اپالى- سىڭلىلەر اراسىنداعى، سونداي-اق اسىراپ الۋشىلار مەن اسىراپ الىنعاندار اراسىندا نەكەگە تۇرۋعا تىيىم سالىنادى.
زاڭ جوباسىنا تۇسىندىرمە جازبادا ا ح ا ج ورگاندارىنىڭ ستاتيستيكالىق دەرەكتەرى كەلتىرىلەدى، وعان سايكەس رەسپۋبليكادا وتكەن جىلدىڭ ەكىنشى جارتىسىندا 1201 تۋىستىق نەكە تىركەلگەن.
مۇنداي نەكەدە تۋابىتكەن اۋىتقۋى، دەفورماتسيالارى جانە حروموسومالىق اقاۋى بار بالالار اۋرۋىنىڭ ءوسىمى بايقالادى.
بۇعان دەيىن وزبەكستاندا بالالارداعى سيرەك كەزدەسەتىن گەنەتيكالىق اۋرۋلاردىڭ تورتتەن ءبىر بولىگى تۋىستىق نەكەگە بايلانىستى دەپ حابارلانعان.
اۆتور
سماعۇلوۆا ەركەجان