08:26, 07 - قازان 2022 | GMT +6
ادەبيەت بويىنشا نوبەل سىيلىعىن جازۋشى انني ەرنو الدى
لوندون. قازاقپارات - ادەبيەت بويىنشا نوبەل سىيلىعىن اۆتوبيوگرافيالىق كىتاپتارىمەن تانىمال فرانسۋز جازۋشىسى ەنني ەرنو الدى. ول بىرنەشە جىلدان بەرى سىيلىق فاۆوريتتەرىنىڭ ءبىرى بولىپ كەلگەن، دەپ حابارلايدى قازاقپارات.
ەرنونىڭ ەڭ تانىمال كىتاپتارىنىڭ ءبىرى «وقيعادا» 1963 -جىلى فرانسيادا تۇسىك جاساتۋ زاڭعا قايشى بولعان كەزدە جازۋشىنىڭ جۇكتىلىكتەن قالاي قۇتىلعانى جايىندا باياندالادى.
وتكەن جىلى رەجيسسەر ودري ديۆاننىڭ وسى كىتاپ جەلىسىمەن تۇسىرىلگەن فيلمى ۆەنەتسيا كينوفەستيۆالىندە «التىن ارىستان» جۇلدەسىن جەڭىپ الدى.
بيىل بۋكمەكەرلىك فاۆوريتتەر تىزىمىندە كوپ نارسە وزگەرگەن جوق، وعان ەرنودان باسقا فرانسۋز جازۋشىلارى ميشەل ۋەلبەك پەن ماريز كوندە، جاپون حارۋكي مۋراكامي، اقىن ەنن كارسون جانە كانادالىق جازۋشى مارگارەت ەتۆۋد كىردى.
بيىل كوپ جىلدان بەرى كەلە جاتقان تاعى ەكى ۇمىتكەرگە كوڭىل ءبولىندى.
ولار جاقىندا شابۋىل جاسالعان بريتاندىق جازۋشى سالمان رۋشدي مەن ورىس جازۋشىسى ليۋدميلا ۋليتسكايا.
اۆتور
سماعۇلوۆا ەركەجان