قانات يسلام امەريكاداعى جەكپە-جەگى الدىندا سالماق ولشەدى

استانا. قازاقپارات - «قازاق» لاقاپ اتىمەن تانىمال قازاقستاندىق بوكسشى قانات يسلام (28-1، 22 ك و) امەريكا قۇراما شتاتتارىندا وتەتىن كەزەكتى جەكپە- جەگىنىڭ الدىندا سالماق ولشەۋ راسىمىنەن ءوتتى، دەپ حابارلايدى قازاقپارات سپورتشىنىڭ جەلىدەگى پاراقشاسىنا سىلتەمە جاساپ.

ارگەنتينا بوكسشىسى حاۆەر فرانسيسكو ماسەلمەن (34-17، 23 ك و) جۇدىرىق ءتۇيىستىرۋ الدىندا قازاقستاندىق بوكسشى ورتا سالماق دارەجەسىندە قالدى.

جەكپە-جەك ا ق ش ۋاقىتىمەن 7- قازاندا (استانا ۋاقىتىمەن 8- قازان - اۆت. ) پلانت- سيتيدە (فلوريدا شتاتى، ا ق ش) وتەدى.

ايتا كەتسەك، قانات يسلامنىڭ وسى اتالعان جەكپە-جەگى الدىندا قارسىلاسى اۋىسىپ كەتكەن بولاتىن.

ق. يسلام سوڭعى جەكپە- جەگىن بريتاندىق بوكسشى دجيممي كەلليگە (26-3، 10 ك و) قارسى وتكىزىپ، تورەشىلەردىڭ ەكىگە بولىنگەن شەشىمىمەن جەڭىلىپ قالعان ەدى.

اۆتور

زارينا تۋعانبايەۆا