ەسكەندىر حاسانعاليەۆتىڭ اندەرىن ورىنداۋشىلاردىڭ «اتامەكەن» حالىقارالىق فەستيۆالى اياقتالدى

ورال. قازاقپارات - ورالدا ق ر حالىق ءارتىسى، مەملەكەتتىك سىيلىق پەن «وتان» وردەنىنىڭ يەگەرى، ءانشى- كومپوزيتور ەسكەندىر حاسانعالييەۆ اندەرىن ورىنداۋشىلاردىڭ حالىقارالىق «اتامەكەن» فەستيۆالى مارەسىنە جەتتى، دەپ حابارلايدى قازاقپارات ءتىلشىسى.

ەكى كەزەڭنەن تۇراتىن ءداستۇرلى ءان سايىسىنا قازاقستان وڭىرلەرىنەن، رەسەيدەن بارلىعى 21 ۇمىتكەر قاتىستى. قىتايدان ءبىر ورىنداۋشى قاشىقتىقتان باق سىنادى.

ە. حاسانعاليەۆتىڭ ۇلى، ءانشى- كومپوزيتور ءبىرجان حاسانعاليەۆ باستاعان قازىلار القاسىنىڭ شەشىمىمەن شىمكەنتتىك اينۇر نازاربەكوۆا باس جۇلدەگە (1 ميلليون تەڭگە) يە بولدى.

سونداي- اق، استانا قالاسىنان كەلگەن مۇراتبەك حايرولدا ءبىرىنشى (650 مىڭ تەڭگە)، تۇركىستاندىق وسەرباي ءبورىحانوۆ ەكىنشى (500 مىڭ تەڭگە) ، ۇلىتاۋ وبلىسىنىڭ وكىلى ايبەك ابدىاشيم ۇلى مەن باتىسقازاقستاندىق رۋستام حافيزوۆ ءۇشىنشى (300 مىڭ تەڭگەدەن) ورىنعا كوتەرىلدى.

رەسەيدەن كەلگەن تاسقىن ءاجىباي حاسانعاليەۆتەر اۋلەتىنىڭ، الماتىلىق ەرىك تولەنوۆ «حاسانعاليەۆتەر الەمى» قورىنىڭ جۇلدەسىن ەنشىلەدى.

باتىسقازاقستاندىق ارۋجان بيسەمباي، اتىراۋلىق مەرجان قابدولوۆ، اباي وبلىسىنان ولجاس وسپان ديپلومانت اتاندى.

فەستيۆال اياسىندا «ەسىڭە ال» اتتى ەسكەندىر حاسانعاليەۆتى ەسكە الۋ كونتسەرتى بولدى. ءۇش كۇنگە سوزىلعان ءان مەرەكەسى گالا- كونتسەرتپەن قورىتىندىلاندى.

ءبىرجان حاسانعاليەۆ پاندەمياعا بايلانىستى «اتامەكەن» ءان فەستيۆالىنىڭ ءۇش جىلداي وتپەي قالىپ، قايتا جالعاسىن تاپقانىن، سول ءۇشىن اق جايىق جۇرتشىلىعىنا ريزا ەكەندىگىن جەتكىزدى.