قاسىم- جومارت توقايەۆ بيلىكتى مونوپوليالاۋعا جول بەرمەيتىن تەتىكتەردى اتادى
«ءبىزدى كوپتەگەن قيىندىقتار مەن قاتەرلەر كۇتىپ تۇر. ءبىراق، ءبىز بەتكە العان باعىتتان اينىمايمىز. ءادىل جانە ءتيىمدى مەملەكەت قۇرىپ، بارلىعىنا تەڭ مۇمكىندىكتەردى قامتاماسىز ەتۋىمىز كەرەك. وسىناۋ اۋقىمدى دەپ ايتۋعا كەلەتىن ماقساتتارعا جەتۋ ءۇشىن ساياسي جۇيەنى قايتا باستاۋ كەرەك»، - دەدى مەملەكەت باسشىسى.
پرەزيدەنت ءوزى ءۇشىن وتانعا قىزمەت ەتۋدەن اسقان ۇلى ميسسيا جوق ەكەنىن اتاپ ءوتتى.
«مەن قولىنا بيلىك بەرىلگەن ساياساتكەرلەر مەملەكەت مۇددەسى ءۇشىن اسا ماڭىزدى ماسەلەلەردى شەشۋ كەزىندە ەرىك- جىگەر تانىتا ءبىلۋ كەرەك دەگەن يدەيانى بەرىك ۇستانامىن. جاۋاپكەرشىلىكتى سەزىنەتىن ساياساتكەر ءاردايىم ۇتقىر ويلاپ، يكەمدى ءارى نىق قادامدار جاسايدى. ناعىز پاتريوت ەشقاشان كوپشىلىك الدىندا كوزالداۋ جاسامايدى، قاۋىپ ءورشىپ كەلە جاتقان تۇستا ۇلت بىرلىگىن كوبىرەك ويلايدى.
مەنى حالىق پەن مەملەكەتتىڭ ۇزاق مەرزىمدەگى مۇددەسىن قامتاماسىز ەتسەم دەگەن نيەت جەتەلەيدى. مەن ءۇشىن وتانعا قىزمەت ەتۋدەن اسقان قۇرمەتتى دە جاۋاپتى ميسسيا جوق. بيلىكتىڭ اۋىسپالىلىعىنا بەرىلگەن كەپىلدىك ونى مونوپوليالاپ الۋعا دەگەن تالپىنىستاردىڭ بارىنە پارمەندى توسقاۋىل بولادى»، - دەدى قاسىم- جومارت توقايەۆ.