اۋىلدان اقورداعا دەيىنگى شەشىمنىڭ ءبارى مەملەكەت مۇددەسى تۇرعىسىنان قابىلدانۋى قاجەت - پرەزيدەنت
بۇل تۋرالى ق ر پرەزيدەنتى قاسىم-جومارت توقايەۆ ايتتى، دەپ حابارلايدى قازاقپارات ءتىلشىسى.
«ەلدىكتىڭ نەگىزى - جەرىمىزدىڭ تۇتاستىعى. بابالارىمىز ۇرپاعىنا ۇلان-عايىر جەردى ميراس ەتتى. ءبىز ونىڭ ءبىر ۋىس توپىراعىنا دەيىن قاستەرلەپ، اتامەكەنىمىزدى قورعاي ءبىلۋىمىز كەرەك»، - دەدى مەملەكەت باسشىسى قاسىم-جومارت توقايەۆتىڭ كانديداتۋراسىن قولداۋ جونىندەگى حالىقتىق كواليتسيانىڭ فورۋمىندا.
پرەزيدەنت مەملەكەت مۇددەسى - قاستەرلى قۇندىلىق ەكەنىن باسا ايتتى.
«اۋىلدان اقورداعا دەيىنگى شەشىمنىڭ ءبارى وسى تۇرعىدان قابىلدانۋى قاجەت. ءبىر سوزبەن ايتساق، ءار ىستە مەملەكەتتىك ۇستانىم بولۋى كەرەك. مەملەكەت مۇددەسى دەگەنىمىز - حالىقتىڭ مۇددەسى. سوندىقتان، بارلىق شەشىمدەر، جوبالار، زاڭدار مەن جارعىلار ەل مۇددەسىن قورعاۋعا ارنالادى. تۋعان ەلگە جاناشىرلىق ءار ازاماتقا ءتان قاسيەت بولۋعا ءتيىس»، - دەدى قاسىم-جومارت توقايەۆ.