جالپى ۇلتتىق بىرەگەيلىكتىڭ وزەگى «قازاقستان ازاماتى» دەگەن ۇعىم بولۋى قاجەت
«رۋحاني ۇندەستىك - بىرلىكتىڭ باستاۋى. ءتول تاريحىمىز، انا ءتىلىمىز بەن اتا ءدىنىمىز - ەلدى بىرىكتىرەتىن بىرەگەي قۇندىلىقتار. ونى داۋ- دامايعا اينالدىرۋعا بولمايدى. جۇرتتى اداستىرىپ، تەرىس جولعا سالۋدان ساقتانعان ءجون. قازاقستاندا ءتۇرلى ەتنوس وكىلدەرى ءومىر ءسۇرىپ جاتىر. ولاردىڭ ماقساتى - ءبىر، بولاشاققا دەگەن كوزقاراسى - ورتاق. ءبارىمىز - ءبىر ەلدىڭ ازاماتتارىمىز»، - دەدى مەملەكەت باسشىسى پرەزيدەنتتىككە قاسىم- جومارت توقايەۆتىڭ كانديداتۋراسىن قولداۋ جونىندەگى حالىقتىق كواليسيانىڭ فورۋمىندا.
پرەزيدەنت «ءارالۋاندىق ارقىلى - بىرلىككە» قاعيداتى ەشقاشان وزەكتىلىگىن جوعالتپايتىنىن ايتتى.
«ءبىز ەتنوسارالىق تاتۋلىقتى ساقتاي ءبىلۋىمىز كەرەك. «قازاقستان ازاماتى» دەگەن ۇعىم جالپى ۇلتتىق بىرەگەيلىكتىڭ وزەگى بولۋى قاجەت. سوندا ءبىرتۇتاس ۇلت رەتىندە كەلەشەككە سەنىممەن قادام باسامىز»، - دەدى قاسىم- جومارت توقايەۆ.