پرەزيدەنت: ءبىزدىڭ رەفورمالارىمىزدىڭ باستى ماقساتى - ادىلەتتى قازاقستان قۇرۋ
6 قازان, 17:10

پرەزيدەنت: ءبىزدىڭ رەفورمالارىمىزدىڭ باستى ماقساتى - ادىلەتتى قازاقستان قۇرۋ

استانا. قازاقپارات - ءبىزدىڭ رەفورمالارىمىزدىڭ باستى ماقساتى - ادىلەتتى قازاقستان قۇرۋ.

بۇل تۋرالى ق ر پرەزيدەنتى قاسىم-جومارت توقايەۆ ايتتى، دەپ حابارلايدى قازاقپارات ءتىلشىسى.

«ءبىزدىڭ رەفورمالارىمىزدىڭ باستى ماقساتى - ادىلەتتى قازاقستان قۇرۋ. كوپ نارسە جاسالدى. ءبىراق ءبىز وسىناۋ قيىن جولدىڭ تەك باسىندا عانا تۇرمىز. سىندارلى ديالوگتىڭ ارقاسىندا ءبىز ەلىمىزدى ساياسي جاڭعىرتۋدا ۇلكەن جەتىستىكتەرگە جەتتىك»، - دەدى مەملەكەت باسشىسى قاسىم-جومارت توقايەۆتىڭ كانديداتۋراسىن قولداۋ جونىندەگى حالىقتىق كواليتسيانىڭ فورۋمىندا.

پرەزيدەنت ەل ازاماتتارىنىڭ قوعامدىق-ساياسي ومىرگە قاتىسۋدىڭ جاڭا مۇمكىندىكتەرىن ۇلكەن جىگەرمەن قابىلداعانىن اتاپ ءوتتى.

«اسىرەسە جاستاردىڭ سىندارلى بەلسەندىلىگى قۋانتادى. مۇنىڭ ءبارى جۇرگىزىلىپ جاتقان وزگەرىستەردى كەڭىنەن الەۋمەتتىك قولداۋ، ادامداردىڭ وزگەرىستەردىڭ شىنايىلىعىنا دەگەن سەنىمى دەپ ايتۋعا بولادى. العا قاراي جىلجۋ ءۇشىن ءبىز وتكەننەن ساباق الىپ، بولاشاقتىڭ بەينەسىن ناقتى كورۋىمىز كەرەك»، - دەدى قاسىم-جومارت توقايەۆ.


جاڭالىقتار