سۋداننىڭ باسىم بولىگىن توپان سۋ باستى

استانا. قازاقپارات - سۋداندا ماۋسىمدىق جاۋىن- شاشىننان ەلدىڭ كوپتەگەن ءوڭىرى توپان سۋ استىندا قالدى. تابيعاتتىڭ توسىن مىنەزىنەن ايماقتاعى ينفراقۇرىلىم جارامسىز كۇيگە اينالدى.

ەگىس القاپتارى ءبۇلىنىپ، لاس سۋ ارقىلى تارالاتىن اۋرۋلار ەتەك جايا باستادى. اسىرەسە تۇرعىندار اراسىندا تىرىسقاق دەرتى ۋشىعىپ بارادى. ب ۇ ۇ- نىڭ مالىمەتىنە سايكەس تاسقىننان ەلدىڭ 18 پروۆينتسياسىنىڭ 15 ءى زارداپ شەكتى. ەلدە گۋمانيتارلىق داعدارىس بولىپ جاتقاندىقتان حالىقارالىق قىزىل كرەست ۇيىمى وسى ايدا 45 مىڭ ادامدى قامتيتىن گۋمانيتارلىق كومەك ۇسىنۋعا دايىن. ونىڭ ىشىندە قاجەتتى زاتتار، ازىق- تۇلىك، اۋىز سۋ مەن قارجىلاي كومەك بار.

مۋرتادا ادام فادۋل، قىزىل جارتى اي حالىقارالىق قوزعالىسىنىڭ وكىلى:

- بيىلعى جاڭبىرلى ماۋسىم حالىق ءۇشىن وتە اۋىر بولدى. ءتىپتى بۇنداي اپات سوڭعى 80 جىلدا العاش رەت بولىپ وتىر. ويتكەنى جينالعان سۋدىڭ دەڭگەيى رەكورد ورناتقان.

www.24.kz