ايدوس ەربوسىن ۇلى تيتۋل ءۇشىن ا ق ش- تا رينگكە شىعادى

استانا. قازاقپارات - قازاقستاندىق بوكسشى ايدوس ەربوسىن ۇلى (16-0، 11 ك و) 5- قاراشادا ا ق ش- تىڭ ميننەاپوليس قالاسىندا WBA- ءدىڭ ورتا سالماقتاعى تۇراقتى چەمپيونى اتاعى ءۇشىن جەكپە-جەك وتكىزەدى.

قازاقپارات بۇل تۋرالى الەۋمەتتىك جەلىدەگى «قازاقستاننىڭ كاسىپقوي بوكسى» پاراقشاسىنا سىلتەمە جاساپ حابارلايدى.

ا. ەربوسىن ۇلىنىڭ قارسىلاسى - كۋبالىق داۆيد موررەل (7-0، 6 ك و).

«ايدوس ەربوسىن ۇلى 2017-جىلى قاتارىنان ەكى ايقاس وتكىزگەننەن كەيىن العاش رەت ا ق ش- تا جەكپە-جەك وتكىزەدى. قازاقستاننىڭ الماتى قالاسىنان شىققان بوكسشى ايقاستان كەيىنگى 9 كۇننەن سوڭ 31 جاسقا تولادى. ول وتكەن جىلدىڭ 12 قىركۇيەگىندە استانادا لەننوكس اللەندى ونىنشى راۋندتا نوكاۋتپەن جەڭگەننەن كەيىن موررەلدىڭ ەكىنشى دارەجەلى تيتۋلىنا مىندەتتى ۇمىتكەر پوزيتسياسىنا ەنگەن بولاتىن»، - دەلىنگەن اقپاراتتا.

ايدوس كاسىبي مانسابىندا ا ق ش- تا تەك ەكى جەكپە-جەك وتكىزدى. ول قازاقستاننان باسقا، ۋكراينادا، اۋستراليادا، رەسەيدە جانە بەلارۋستە شارشى الاڭعا شىققان.