سمايىلوۆ حالىقارالىق ۆاليۋتا قورىنىڭ باسشىسىمەن ينفلياتسيامەن كۇرەس ماسەلەسىن تالقىلادى
6 قازان, 12:33

سمايىلوۆ حالىقارالىق ۆاليۋتا قورىنىڭ باسشىسىمەن ينفلياتسيامەن كۇرەس ماسەلەسىن تالقىلادى

استانا. قازاقپارات – ق ر پرەمەر- ءمينيسترى ءاليحان سمايىلوۆ حالىقارالىق ۆاليۋتا قورىنىڭ قازاقستان بويىنشا ميسسياسىنىڭ باسشىسى نيكوليا بلانشەمەن كەزدەستى.

بۇل تۋرالى قازاقپارات ۇكىمەتتىڭ سايتىنا سىلتەمە جاساپ حابارلايدى.

تاراپتار ەلىمىزدەگى ميسسيا جۇمىسىنىڭ قورىتىندىلارىن، سونداي- اق ق ر ۇكىمەتىنىڭ ينفلياتسياعا قارسى كۇرەس، سالىقتىق اكىمشىلەندىرۋ مەن بيۋدجەتتىك جوسپارلاۋدىڭ تيىمدىلىگىن ارتتىرۋ شارالارىن، جۇمىسپەن قامتۋدى قامتاماسىز ەتۋ، سيفرلاندىرۋ جانە مەملەكەتتىڭ ەكونوميكاداعى ۇلەسىن تومەندەتۋ ماسەلەلەرىن تالقىلادى.

سونىمەن قاتار قازاقستاننىڭ 2060 -جىلعا دەيىنگى كومىرتەگى بەيتاراپتىعىنا قول جەتكىزۋ جونىندەگى باستامالارى، ينۆەستيتسيالار تارتۋ جونىندەگى قادامدارى، اعىمداعى سىرتقى ەكونوميكالىق سىن- قاتەرلەر جانە وڭىرلىك كۇن تارتىبىندەگى باسقا دا وزەكتى ماسەلەلەر قارالدى.

«ءبىز ح ۆ ق- مەن سەرىكتەستىكتىڭ ستراتەگيالىق ماڭىزدىلىعىن جانە قوردىڭ ەلىمىزدىڭ دامۋىنا قوسىپ وتىرعان ۇلەسىن جوعارى باعالايمىز»، - دەدى ءاليحان سمايىلوۆ.

ءوز كەزەگىندە نيكوليا بلانشە قازاقستاندا جۇرگىزىلىپ جاتقان رەفورمالاردى جانە ح ۆ ق ەلدىك ميسسياسىنىڭ جۇمىسىن جوعارى باعالادى.

«ءبىزدىڭ ارامىزدا بەرىك جانە سىندارلى ىنتىماقتاستىق قالىپتاستى. ءبىز ۇكىمەتتىڭ جاڭا رەفورمالاردى ىسكە اسىرۋ جونىندەگى قادامدارىن قۇپتايمىز جانە بارلىق مۇددەلى باعىت بويىنشا كونسۋلتاتسيا مەن تەحنيكالىق كومەگىمىزدى ۇسىنۋعا دايىنبىز»، - دەدى نيكوليا بلانشە.

كەزدەسۋ سوڭىندا پرەمەر- مينيستر ەكىجاقتى ءوزارا ءىس- قيمىلدى جالعاستىرۋعا دايىن ەكەندىگىن اتاپ ءوتتى.

فوتو:t.me/kzgovernment


جاڭالىقتار