11:05, 06 - قازان 2022 | GMT +6
امانات پارتياسى قاسىم- جومارت توقايەۆتى پرەزيدەنتتىككە ۇسىنۋ شەشىمىن قابىلدادى
استانا. قازاقپارات - AMANAT پارتياسىنىڭ كەزەكتەن تىس XXIV سەزىندە قاسىم- جومارت توقايەۆتى پرەزيدەنتتىككە كانديدات رەتىندە ۇسىنۋ شەشىمى قابىلداندى، دەپ حابارلايدى قازاقپارات ءتىلشىسى.
سەزد بارىسىندا 7 ادام جارىسسوزگە شىعىپ، ولاردىڭ بارلىعى دا الداعى كەزەكتەن تىس پرەزيدەنت سايلاۋىنا قاسىم- جومارت توقايەۆتىڭ كانديداتۋراسىن قولدادى جانە پارتيالاستارىن دا قولداۋعا شاقىردى.
وسىدان كەيىن دەلەگاتتار قازاقستان رەسپۋبليكاسىنىڭ پرەزيدەنتتىگىنە AMANAT پارتياسىنىڭ كانديداتى رەتىندە ق. توقايەۆتى ۇسىنۋ ماسەلەسىن تالقىعا سالىپ، ءبىراۋىزدان قولداۋ كورسەتتى.
« AMANAT پارتياسى XXIV سەزىنىڭ شەشىمىمەن قاسىم- جومارت كەمەل ۇلى توقايەۆ ءبىراۋىزدان ر پرەزيدەنتتىگىنە كانديدات رەتىندە ۇسىنىلادى»، - دەدى سەزد شەشىمىن جاريالاعان AMANAT پارتياسىنىڭ اتقارۋشى حاتشىسى اسحات ورالوۆ.
اۆتور
مارلان جيەمباي