ءانشى تورەعالي تورالىگە قاتىستى قىلمىستىق ءىس توقتاتىلادى
«بۇعان دەيىن ازامات ت. تورەعاليگە قاتىستى ق ر ق ك- ءنىڭ 293-بابى 1-بولىگى نەگىزىندە س د ت ب ت- دا تىركەلگەن قىلمىستىق ءىس بويىنشا تاراپتاردىڭ تاتۋلاسقانىن حابارلايمىز. ناتيجەسىندە قىلمىستىق ءىس بويىنشا تەرگەۋ تاراپتاردىڭ تاتۋلاسۋىنا بايلانىستى توقتاتىلادى.
ق ر قىلمىستىق جانە قىلمىستىق ءىس جۇرگىزۋ زاڭناماسىنىڭ نورمالارىنا سايكەس: ءولىم-جىتىممەن بايلانىستى ەمەس، اۋىرلىعى از نەمەسە ورتاشا قىلمىس جاساعان ادام، ەگەر ول جابىرلەنۋشىمەن تاتۋلاسسا جانە كەلتىرىلگەن زياندى تۇزەتسە، قىلمىستىق جاۋاپتىلىقتان بوساتىلۋعا جاتادى»، - دەلىنگەن حابارلامادا.
بۇعان دەيىن ءانشى تورەعالي ءتورالىنىڭ قاباعىن جارعان جىگىتپەن تاتۋلاسقاندىعى حابارلانعان بولاتىن.
ەسكە سالساق، الەۋمەتتىك جەلىدە تورەعالي ءتورالىنىڭ كولساي كولدەرىندە ءبىر جىگىتتىڭ قاباعىن جارعانى جاريالانعان ەدى. وسى جايتتان كەيىن كۇدىكتى دەپ تانىلعان ءانشى ۋاقىتشا ۇستاۋ يزولياتورىنا قاماۋعا الىندى. وعان قاتىستى قىلمىستىق كودەكستىڭ 293-بابى (بۇزاقىلىق) بويىنشا تەرگەۋ ءجۇردى.