قازاقستانعا قوسىمشا ەلەكتر ەنەرگياسى كەرەك - پرەزيدەنت

پاۆلودار. قازاقپارات - مەملەكەت باسشىسى قاسىم-جومارت توقايەۆ پاۆلودار وبلىسى تۇعىندارىمەن كەزدەسۋى بارىسىندا ەنەرگەتيكا ماسەلەسىنە قاتىستى پىكىر ءبىلدىردى، دەپ حابارلايدى قازاقپارات بورت 1№ Telegram كانالىنا سىلتەمە جاساپ.

«ەلىمىزدىڭ ەنەرگەتيكالىق بالانسىندا كومىر ماڭىزدى ورىن الادى، 70 پايىزدان اسادى. ەۋروپالىق وداق حالىقارالىق ارەناداعى گەوساياسي وزگەرىستەرگە بايلانىستى كومىردى قولدانۋ كونسەپتسياسىنا قايتا ورالا باستادى. قازىر ءبىز كومىردى پايدالانۋدان باس تارتپايمىز. ءبىراق ەلەكتر ستانتسياسى جۇمىسىنىڭ ناتيجەسىندە اتموسفەراعا بولىنەتىن كومىر ماسساسىنىڭ شىعارىندىلارىن ەڭ از مولشەرگە دەيىن ازايتۋعا مۇمكىندىك بەرەتىن وزىق تەحنولوگيالار بار. وسى ۇزدىك تەحنولوگيالاردى ءبىزدىڭ وندىرىستە مىندەتتى تۇردە قولدانۋ كەرەك. جالپى، قازاقستانعا قوسىمشا ەلەكتر ەنەرگياسى قاجەت ەكەنىن ايتقىم كەلەدى. بۇل - فاكت. وعان قوسا، شارىقتاۋ كەزىندە بىزدە ەنەرگەتيكا تاپشىلىعى سەزىلەدى. بۇعان جول بەرۋگە بولمايدى»، - دەدى پرەزيدەنت.