ۇكىمەتكە پاۆلودار ءوڭىرىن گازبەن قامتاماسىز ەتۋ تاپسىرىلدى

استانا. قازاقپارات - مەملەكەت باسشىسى قاسىم-جومارت توقايەۆ پاۆلودار وبلىسى جۇرتشىلىعىمەن كەزدەسۋىندە ءوڭىردى گازداندىرۋ ماسەلەسىن شەشۋدى تاپسىردى، دەپ حابارلايدى قازاقپارات ءتىلشىسى.

«تاعى ءبىر ماڭىزدى ماسەلە - گازداندىرۋ. ۇكىمەت ءوڭىردى گازبەن قامتاماسىز ەتۋ جولدارىن باسىم تارتىپپەن ازىرلەۋى قاجەت. بۇل «جاسىل» كۇن ءتارتىبىن تولىققاندى ىسكە اسىرۋ جانە ناقتى تۇراقتى دامۋ جولىنداعى ماڭىزدى قادام بولماق»، - دەدى قاسىم-جومارت توقايەۆ.

ايتا كەتەيىك، بۇگىن مەملەكەت باسشىسى پاۆلودار وبلىسىنا جۇمىس ساپارىمەن باردى.

بۇعان دەيىن ق. توقايەۆ ءوندىرىستى كۇشەيتۋ مەن ەكولوگيانى قورعاۋ اراسىندا تەپە-تەڭدىكتى ساقتاۋ كەرەكتىگىن ايتقان ەدى.