ءانشى تورەعالي ءتورالى قاباعىن جارعان جىگىتپەن تاتۋلاستى
«ادامزاتتىڭ تاريحى تىيىم ەتكەن جەمىستى جەيمىن دەپ قاتەلەسىپ، ارتىنشا بىردەن تاۋبەسىنە كەلگەن ادام اتانىڭ تاريحىنان باستالماي ما؟ ءبىز دە سول اشۋلانسا دا، شاتتانسا دا، سوڭى نەمەن بىتەرىن بولجاي المايتىن، پايدا، زياندى ولشەي الماي قالاتىن پەندەنىڭ ءبىرىمىز. ساحنادان كورگەن ادامىن پەرىشتەدەي پاك سانايتىن قازاق حالقىنىڭ تازا پەيىلى عوي. ال، سول ساحناداعى ادامنىڭ پەندەلىك كەم-كەتىگىن كورسە، قالعان كوڭىلى قاتقان مۇزداي بولاتىنى دا بالاداي اڭعالدىعى ەمەس پە؟
حالىقتىڭ كوز الدىندا جۇرگەن ادام بولعاندىقتان ءار ارەكەتىمىز كوپشىلىكتىڭ نازارىندا بولىپ تۇر عوي. ايتپەسە، قاي ەر ازامات شەكىسپەي جاتىر؟ كىمنىڭ اۋزىنان ەموتسياعا بەرىلگەن ارتىق ءسوز شىقپاي جاتىر؟ قاي قۋىستا كىم توبەلەسپەي جاتىر؟ ورىستار كەلىپ قالدى دەپ پاتەردى قىمباتتاتىپ، قاراكوز قازاقتاردى قۋىپ، پايدا تاپپاقشى بولعان ارام پيعىلدار سەكىلدى وسى توبەلەستى دە ىسكە جاراتىپ، رەيتينگىمىزدى كوتەرىپ الايىق دەگەن نيەتتىلەردىڭ دە از بولماي تۇرعاندىعى دا وكىنىشتى.
«ادامنىڭ كۇناسىن ايتا بەرمەڭدەر. كۇناسىن كورگەنمەن تاۋبەسىن كورگەن جوقسىڭدار» دەمەكشى، ءسىز بەن ءبىز ءسوز ەتىپ جۇرگەن بىرەۋدىڭ ايىبى اللانىڭ الدىندا الدەقاشان كەشىرىلىپ كەتۋى مۇمكىن.
«ەر شەكىسپەي، بەكىسپەيدى» دەپ بەكارىس باۋىرىمىزبەن مامىلەگە كەلدىك. قاراپايىم ادامعا دا، ونەر ادامىنا دا ورتاق رەسپۋبليكامىزدىڭ زاڭىمەن قۇزىرلى ورگانداردىڭ تەكسەرىسىنەن ءوتىپ، رەسمي بىتىمگە كەلدىك. سۇرىنگەندە سۇيەۋ بولعان، تۇڭىلگەندە تىرەۋ بولعان الاش جۇرتىنا كوپ راحمەت!
قىزىق بولعاندا، بۇگىن بەكارىس باۋىرىمىزدىڭ دۇنيەگە كەلگەن كۇنى ەكەن. عۇمىرىڭ ۇزاق، ءومىرىڭ بەرەكەلى بولسىن ءىنىم! ءبىر باسىڭ ەكەۋ بولىپ، ادال جار نەكەڭ بولىپ، كەلىندى اناڭ كورىپ، تويىڭدى اكەڭ كورىپ. اكە بولىپ اق اجەڭە شوبەرە اكەل بەرىپ. سول تويدا مەن جۇرەيىن بۇيىرسا كوكەڭ بولىپ»، - دەپ جازعان ءانشى تورەعالي ءتورالى ءوزىنىڭ Instagram جەلىسىندەگى پاراقشاسىندا.
ەستەرىڭىزگە سالا كەتەيىك، الەۋمەتتىك جەلىدە بەلگىسىز جىگىت تورەعالي ءتورالىنىڭ ونىڭ قاباعىن جارىپ، جۇدىرىقتاعانىن جەتكىزگەنىن حابارلادىق.
تورەعالي ءتورالى 10 ميلليون تەڭگە كەپىلدىكپەن بوستاندىققا شىقاننىن حابارلاعان بولاتىنبىز.
وسى جايتتان كەيىن كۇدىكتى دەپ تانىلعان ءانشى تورەعالي ءتورالى ۋاقىتشا ۇستاۋ يزولياتورىنا قاماۋعا الىندى . وعان قاتىستى قىلمىستىق كودەكستىڭ 293-بابى «بۇزاقىلىق» بويىنشا تەرگەۋ ءجۇرىپ جاتىر. ءىستى كەگەن اۋدانىنىڭ پوليتسياسى جۇرگىزۋدە.