كينوداعى رولىنەن كەيىن ومىردە باس قوسقان اتاقتى ارتىستەر

None
استانا. قازاقپارات - ارتىستەر اراسىندا عاشىعىن، ومىرلىك جارىن ونەردەن تابۋ ءجيى كەزدەسىپ جاتادى.

كينو الەمىندە دە ءدال وسىنداي ماحاببات حيكاياسى ۇنەمى بولادى. ءتىپتى قازاقتىڭ قىز جىبەگى مەن تولەگەنى اتانعان مەرۋەرت پەن قۇمان تاستانبەكوۆ تە ءبىر-ءبىرىن كينودان تاپقانى بەلگىلى.

Massaget.kz ءتىلشىسى شەتەل كينويندۋسترياسىندا جۇبىن ونەردەن تاپقان تانىمالدارعا شولۋ جاسادى.

«1001 تۇننەن» باستالعان ماحاببات حيكاياسى

تۇركيادا ومىردەگى سەرىگىن ونەردەن تاپقان تانىمالدار از ەمەس. سونىڭ ىشىندە ءبىر سەريال نەمەسە فيلمگە ءتۇسىپ، كەيىن وتباسىعا اينالعاندار قاتارى كوپ. وسىنداي جۇپتىڭ ءبىرى قالىڭ كوپشىلىككە «1001 ءتۇن» سەريالى ارقىلى جاقسى تانىس - حاليت ەرگەنچ مەن بەرگيۋزار كورەل. ەكەۋى دە تۇركيانىڭ ەڭ تانىمال ارتىستەرى. بۇل قاتاردا «ۆەليكولەپنىي ۆەك» سەريالى دا بار.

حاليت ەرگەنچ ەڭ العاش «چەرنىي انگەل» سەريالىندا دەبيۋت جاساعان. ونىڭ كينو الەمىندەگى ءارى ومىردەگى جۇلدىزىن جاققان تۋىندى «1001 ءتۇن» سەريالى بولعان. اكتەر وسى سەريالعا تۇسكەن بەرگيۋزار كورەلمەن شاڭىراق كوتەرگەن. الايدا بۇل - ونىڭ ەكىنشى نەكەسى. ول العاشىندا گيزەم سويسالديمەن وتاۋ قۇرعان. ولار 2007-جىلدان 2008-جىلعا دەيىن ءبىر جىل بىرگە تۇرعان. اشىق دەرەككوز مالىمەتتەرىندە، ولاردىڭ اجىراسۋى وڭاي بولماعانى ايتىلادى، ويتكەنى ەرگەنچ سويسالديگە 180 مىڭ دوللار تولەگەن.

حاليت پەن بەرگيۋزار جۇبىنا قاتىستى قىزىقتار

- بەرگيۋزار كورەل - حاليت ەرگەنچتىڭ ەكىنشى جۇبايى. حاليت ەرگەنچ بۇرىن ۇيلەنگەن.

- بەرگيۋزار كورەل حاليتتەن 12 جاس كىشى. بەرگيۋزار كورەل 1982-جىلى دۇنيەگە كەلگەن، جاسى 40 تا، ال حاليت ەرگەنچ 1970-جىلى تۋعان، 52 جاستا.

- ولاردىڭ تويى 2009-جىلى تامىزدا بولعان. تويدا بارلىق ۇلتتىق ءداستۇر ساقتالعان، وعان 350 ادام قاتىسقان.

- اشىق دەرەككوز دەرەكتەرىنە سۇيەنسەك، ولار مەيرامحانادا كەزدەيسوق كەزدەسىپ قالعان. الايدا «1001 ءتۇن» سەريالى ولاردىڭ باسىن قوسقان. بىرنەشە ايدان سوڭ ولار جۇبىن جازباي بىرگە جۇرگەن ءارى مۇنى كوپشىلىكتەن جاسىرماعان.

- سۇحباتتارىنىڭ بىرىندە حاليت ەرگەنچ اكەسى سەكىلدى بىرنەشە رەت ۇيلەنۋگە قورقاتىنىن جەتكىزگەن، ال بەرگيۋزار ەكەۋىن تاعدىردىڭ ءوزى قوسقانىن ايتقان.

- ولار «مەنىڭ وتانىم - سەن» اتتى سەريالعا دا بىرگە تۇسكەن. ال بۇل تۋىندى 2016-جىلى جارىققا شىققان.

- ولاردىڭ ءۇش بالاسى بار: الي جانە حان ەسىمدى ەكى ۇلى جانە لەيلا ەسىمدى قىزدارى.

ۇزاق جىلعا سوزىلعان ماحاببات وقيعاسى

تۇركيادا عانا ەمەس باسقا ەلدەردە تانىمالدىلىققا يە بولعان بۋراك وزچيۆيت پەن فاحريە ەۆدجەننىڭ جۇبى دا كوپشىلىككە جاقسى تانىس. ولار «بوزتورعاي» سەريالىندا تانىسقان. بۇل كەزدە اكتەر دجەيلان چاپامەن، ال فاحريە بۇعان دەيىن تانىمال اكتەر وزدجان دەنيزبەن جۇپ بولعان.

بۋراك پەن فاحريە «ليۋبوۆ پوحوجا نا تەبيا» اتتى فيلمگە دە بىرگە تۇسكەن. وسى جوبادان كەيىن ەكەۋى دە بويداق بولعان. الايدا ۇزاق ۋاقىت بويى جۇپ بولماعان. اشىق دەرەككوز مالىمەتتەرىنشە، 2015-جىلى عانا فيلمنىڭ تۇساۋكەسەرىنە قول ۇستاسىپ بىرگە كەلگەن.

بۇل جۇپ تۋرالى قىزىقتار

2017-جىلعى ناۋرىزدا بۋراك وزچيۆيت پەن فاحريە ەۆدجەننىڭ قۇدالىعى وتكەن. سول جىلى ماۋسىمنىڭ سوڭىندا ولاردىڭ ۇلكەن ۇيلەنۋ تويى وتكەن. ال توي بوسفور بۇعازى جاعالاۋىنداعى ۆيللادا بولعان. ال تويعا 500 گە جۋىق ادام، ونىڭ ىشىندە ونەردەگى ارىپتەستەرى مەن جاقىندارى قاتىسقان. اشىق دەرەككوز مالىمەتتەرىندە تويدا فاحريە ءۇش وبرازبەن شىققانى، ال تويدان كەيىن ولار مالديۆ جاعالاۋىنا كەتكەنى ايتىلادى.

2019-جىلى جۇلدىزدى جۇپ ۇلدى بولدى، ال تۇڭعىشتارىنىڭ ەسىمىن كاران دەپ قويعان. الەۋمەتتىك جەلى مەن ب ا ق- تا بوسانعاننان كەيىن فاحريە سالماق قوسقانى تۋرالى اقپارات ءجيى جازىلىپ ءجۇر. اكتريسانىڭ وزىنە دە وسىنداي سۇراق ءجيى قويىلادى. ءبىراق ول ۇنەمى ازىلمەن جاۋاپ بەرەدى.

كينودا تانىسقان اتاقتى جۇپتىڭ تاريحى

تانىمال ارتىستەر كادير دوگۋلۋ مەن نەسليحان اتاگيۋل دە كينودا، ياعني «دۆا ليتسا ستامبۋلا» سەريالىنىڭ تۇسىرىلىمىندە تانىسقان. سەريالدا ەكەۋى دە باستى ءرولدى سومداعان. كەيىن كينوداعى عاشىقتىق ومىردەگى جاعدايعا ۇلاسقان. ولار وسى جوبا بىتكەن سوڭ ۇيلەنەتىنىن جاريالاعان.

كادير مەننەسليحان جۇبى تۋرالى قىزىقتان نە بەلگىلى؟

ولار 2016-جىلى شاڭىراق كوتەردى. اشىق دەرەككوز مالىمەتتەرىندە تويعا 200 دەي ادام كەلگەنى ايتىلادى. نەسليحان تويدا ەكى وبراز اۋىستىرعان. كادير نەسليحاننان 10 جاس ۇلكەن. ول 1982-جىلى دۇنيەگە كەلگەن، 40 جاستا. ال نەسليحان 1992-جىلعى، 30 جاستا. ونەرلى جۇپتىڭ شاڭىراق كوتەرگەنىنە 6 جىل بولعان، الايدا ءالى بالا سۇيمەگەن. بۇل سۇراق ولارعا جۋرناليستەر تاراپىنان دا ءجيى قويىلادى. الايدا ول دا ءارقاشان ازىلمەن جاۋاپ بەرەدى.

كادير مەن نەسليحان ۇزاق جىلدان كەيىن بيىل «ۆ كونتسە نوچي» (Gecenin Ucunda ) اتتى سەريالعا تۇسكەن.

چۋ سان ۋك پەن چحا يە رەن

دورامادا تانىسقان اتاقتى كورەي ارتىستەرى دە كوپ. سونىڭ ءبىرى - چۋ سان ۋك پەن چحا يە رەن. ولار 2015-جىلى «ۆەليكولەپنوە يسكۋشەنيە» اتتى سەريالدا بىرگە ويناعان، ال 2017-جىلى شاڭىراق كوتەردى.

ولاردىڭ تويى Grand Walkerhill قوناق ۇيىندە وتكەن، بۇل كەشكە ەرلى-زايىپتىنىڭ جاقىن ادامدارى كەلگەن.

ءبارىنىڭ سۇيىكتىسىنە اينالعان «پوتومكي سولنتسا» سەريالىنداعى جۇپ

كورەي كينويندۋسترياسىنداعى ەڭ تانىمال جۇپ - سون حە گە مەن سون دجۋن كي. الايدا بۇل جۇپ ايىرىلىسىپ كەتتى. دەگەنمەن كوپتىڭ سۇيىكتىسىنە اينالعان جۇپ تۋرالى ب ا ق- تا تاراعان قىزىق دەرەكتەردى جيناپ كوردىك.

2015-جىلى ساۋىردە ولار «پوتومكي سولنتسا» سەريالىنداعى رولدەرىنە بەكىتىلدى. 2016-جىلى تۋىندى كورەرمەنگە جول تارتتى. كەيىنىرەك جانكۇيەرلەرى ولاردىڭ قولىنداعى بىردەي بىلەزىككە نازار اۋداردى. الايدا بۇل قاۋەسەت جوققا شىعارىلدى.

وسىلايشا، ولار سول جىلى قازاندا شاڭىراق كوتەردى. ال نەكە قيۋ سالتاناتى سەۋلدەگى The Shilla قوناق ۇيىندە وتكەن. 2019-جىلى ماۋسىمدا دجۋن كي اجىراسۋعا ارىز بەرگەنىن مالىمدەدى. سون حە گە دە كومپانياسى ارقىلى ولاردىڭ مىنەزدەرى ۇيلەسپەگەنىن ايتتى.

حەن بين مەن سون ە دجين

كورەيادا عانا ەمەس ورتا ازيا ەلدەرىندە، سونىڭ ىشىندە قازاقستاندا دا حالىقتىڭ كوڭىلىنەن شىققان ارتىستەر حەن بين مەن سون ە دجين ومىردە دە شاڭىراق كوتەرگەن.

ولار قارىم-قاتىناسى تۋرالى 2020-جىلى راستاعان. الايدا بۇل اقپارات 2018-جىلى «پەرەگوۆورى» سەريالىنان كەيىن شىققان ەدى. ءبىراق ول كەزدە جالعان ەكەنى ايتىلدى. ءبىر جىلدان كەيىن ەكەۋى «اۆارينايا پوسادكا ليۋبۆي» سەريالىنا دا بىرگە ءتۇستى. ولار 2022-جىلى ساۋىردە شاڭىراق كوتەردى.

ال ماۋسىمدا سون ە دجين وقىرماندارىنا قۋانىشتى جاڭالىق جەتكىزىپ، اياعى اۋىر ەكەنىن ايتتى.


سوڭعى جاڭالىقتار