19:14, 05 - قازان 2022 | GMT +6
جاڭا ادىلەتتى قازاقستانعا ەلىمىزدە ءبىلىم كۋلتى ءبىرجولا ورنىققان كەزدە عانا جەتەمىز - توقايەۆ
پاۆلودار. قازاقپارات - مەملەكەت باسشىسى قاسىم-جومارت توقايەۆ پاۆلودار وبلىسىنىڭ جۇرتشىلىعىمەن كەزدەسۋى بارىسىندا ءماشھۇر ءجۇسىپتىڭ وسى ءوڭىردىڭ پەرزەنتتەرىنىڭ اراسىندا الار ورنىنا ەرەكشە توقتالىپ ءوتتى، دەپ حابارلايدى قازاقپارات بورت1№ Telegram كانالىنا سىلتەمە جاساپ.
«وسى ءوڭىردىڭ ايگىلى پەرزەنتتەرى تۋرالى ايتقاندا ءماشھۇر ءجۇسىپتى اينالىپ وتە المايمىز. ونىڭ تەرەڭ وي-تۇجىرىمدارى ۇرپاقتى ءىلىم-بىلىمگە ۇمتىلۋعا، جاڭاشىلدىققا جاقىن بولۋعا ۇندەيدى. عۇلاما ويشىلدىڭ وزىق يدەيالارى ءالى كۇنگە دەيىن وزەكتىلىگىن جويعان جوق. سوندىقتان بۇگىن عىلىم مەن ءبىلىمنىڭ ورداسى بولعان ولكەدەن بۇكىل ەلگە ءبىلىمپازدىق تۋرالى ويلارىمدى جەتكىزگىم كەلەدى. ءبىز جاڭا ادىلەتتى قازاقستاندى قۇرامىز. ال بۇل ماقساتقا ەلىمىزدە ءبىلىم كۋلتى ءبىرجولا ورنىققان كەزدە عانا جەتەمىز»، - دەدى مەملەكەت باسشىسى.