جاستارىمىز شەتەلدە جۇرسە دە سول جاقتان ەل مۇددەسىنە قىزمەت جاساي الادى - پرەزيدەنت
بۇل تۋرالى مەملەكەت باسشىسى قاسىم- جومارت توقايەۆ پاۆلودار وبلىسى جۇرتشىلىعىمەن كەزدەسۋىندە ايتتى، دەپ حابارلايدى قازاقپارات بورت 1 تەلەگرام كانالىنا سىلتەمەمەن.
«جاس ۇرپاق اعا بۋىننىڭ ءومىر جولىنان تاعىلىم الا بىلگەنى ءجون دەپ سانايمىن. جاستارىمىزدىڭ كەز- كەلگەن ساتتە ەلگە ورالۋىنا مۇمكىندىك بار. ءتىپتى، شەتەلدە جۇرسە دە سول جاقتان ەل مۇددەسىنە قىزمەت جاساي الادى. ءبىز ولارعا مەملەكەتشىلدىك رۋحىن ءسىڭىرىپ، ەل يگىلىگىنە قىزمەت ەتۋگە جۇمىلدىرا ءبىلۋىمىز كەرەك. بۇگىنگى جاستار زامان تالابىنا تەز بەيىمدەلە الادى. ولاردىڭ ءورشىل يدەيالارى مەن ەرىك- جىگەرى - قازاقستاندى دامىتاتىن باستى كۇش. وسكەلەڭ ۇرپاقتىڭ وسى الەۋەتىن دۇرىس ارناعا باعىتتاۋ - ءبىزدىڭ مىندەتىمىز»، - دەدى پرەزيدەنت.
بۇعان دەيىن مەملەكەت باسشىسى ۇكىمەتكە جىل سوڭىنا دەيىن «پاۆلودار - استانا» باعىتىنداعى تۇراقتى اۋە قاتىناسىن قالپىنا كەلتىرۋدى تاپسىرعان بولاتىن.