پرەزيدەنت: پاۆلودار - قازاقستاننىڭ دامۋىندا ماڭىزى جوعارى ايماق
«پاۆلودار - قازاقستاننىڭ دامۋىندا ۇلەسى مول، ماڭىزى جوعارى ايماق. وزدەرىڭىز بىلەسىزدەر، وتكەن اپتادان بەرى وڭىرلەرگە ساپارىم باستالدى. ايماقتارداعى حالىقپەن كەزدەسىپ، ەل دامۋىنا قاتىستى باستامالارىم تۋرالى ايتتىم. الدىمەن تۇركىستان مەن شىمكەنتكە، سودان كەيىن سەمەيگە باردىم. ءبىز الداعى قىسقا دايىندىق بارىسىمەن تانىسىپ، شۇعىل ماسەلەلەردى قارادىق. وبلىستار ءۇشىن ستراتەگيالىق ماڭىزى بار مىندەتتەردى ايقىندادىق. ءبىر سوزبەن ايتقاندا، بۇل - وتە ماعىنالى ساپارلار بولىپ جاتىر»، - دەدى پرەزيدەنت.
سونداي-اق، مەملەكەت باسشىسى تىڭ وزگەرىستەرگە قولداۋ بىلدىرگەن ازاماتتارعا العىس ءبىلدىردى.
«شىن مانىندە، حالىقتىڭ قولداۋى - رەفورمالاردى تابىستى جۇزەگە اسىرۋدىڭ ەڭ باستى كەپىلى. مەن تىڭ وزگەرىستەرگە تىلەكتەس بولىپ جاتقان ازاماتتاردىڭ بارىنە تاعى دا العىس ايتقىم كەلەدى. ءبىز ءبىر ەل بولىپ جۇمىلا بىلسەك، كوزدەگەن ماقساتقا جەتەمىز. بۇگىن، مىنە، وزدەرىڭىزبەن جۇزدەسۋ ءۇشىن ەرتىس بويىنا ات باسىن بۇردىم. بۇل وڭىرگە مەنىڭ ىقىلاسىم ەرەكشە ەكەنىن بىلەسىزدەر. پاۆلودار وبلىسى - ەلىمىزدىڭ ەڭ كورىكتى مەكەندەرىنىڭ ءبىرى»، - دەدى قاسىم-جومارت توقايەۆ.