قازاقستان سپورتشىلار وداعى قاسىم-جومارت توقايەۆتى پرەزيدەنتتىككە كانديدات رەتىندە ۇسىندى

استانا. قازاقپارات - «قازاقستان سپورتشىلار وداعى» رەسپۋبليكالىق قوعامدىق بىرلەستىگى ەلورداداعى «بارىس ارەنا» كەشەنىندە ەلدىڭ سپورت قاۋىمداستىعىنىڭ وكىلدەرىمەن كەزدەسۋ ۇيىمداستىردى، دەپ حابارلايدى قازاقپارات ءتىلشىسى.

شارا اياسىندا سپورتشىلار وداعى قاسىم-جومارت توقايەۆتى كەزەكتەن تىس پرەزيدەنت سايلاۋىنا كانديدات رەتىندە ۇسىنۋ تۋرالى شەشىم قابىلدادى.

«ەلىمىزدى پرەزيدەنت قاسىم-جومارت توقايەۆ باستاعان جاڭا رەفورمالار كۇتىپ تۇر. ول الەۋمەتتىك ادىلدىك پەن بارشاعا تەڭ مۇمكىندىكتەردى باستى باعىت رەتىندە ۇسىنادى. بۇگىندە سپورتشىلارىمىز قازاقستاننىڭ اتىنان ءتۇرلى حالىقارالىق ارەنالاردا ونەر كورسەتىپ ءجۇر. مىقتى ەكونوميكا مەن بىرلىكتىڭ ارقاسىندا ءبىز ۇلكەن جەتىستىكتەرگە جەتتىك. ونىڭ ىشىندە سپورت سالاسىنىڭ جەتىستىكتەرى دە بار»، - دەدى وداق مۇشەسى، وليمپيادا چەمپيونى سەرىك ساپيەۆ.

شاراعا جينالعاندار قاسىم-جومارت توقايەۆتىڭ كانديداتۋراسىن ءبىراۋىزدان قولدادى.