مۇعالىمدەر ەكونوميكاداعى ورتاشا جالاقىمەن تەڭ ايلىق الادى - ايماعامبەتوۆ

استانا. قازاقپارات - ەلىمىزدە مۇعالىمدەر ەكونوميكاداعى ورتاشا جالاقىمەن تەڭ ايلىق الادى.

بۇل تۋرالى ق ر وقۋ-اعارتۋ ءمينيسترى اسحات ايماعامبەتوۆ ايتتى، دەپ حابارلايدى قازاقپارات ءتىلشىسى.

«ءبىز وسى جەردە تاجىريبە الماسامىز. كوپتەگەن ارىپتەسىمىز قازاقستاننىڭ تاجىريبەسىن زەردەلەيدى. ونىڭ ىشىندە پرەزيدەنت قاسىم-جومارت توقايەۆتىڭ قولداۋىمەن قابىلدانعان «پەداگوگ مارتەبەسى تۋرالى» زاڭ بارلىعىنا قىزىعۋشىلىق تۋدىرارى ءسوزسىز. بۇل زاڭ ءبىلىم بەرۋ سالاسىندا كوپ نارسەنى وزگەرتكەنى، ونىڭ ىشىندە جالاقىنىڭ وسۋىنە سەپ بولعانى شىندىق. قازىر مۇعالىمدەرىمىزدىڭ ورتاشا جالاقىسى ەكونوميكاداعى ورتاشا جالاقىمەن دەپ ايتا الامىز. ءدال وسى تاپسىرمانى ءۇش جىل بۇرىن العا قويعان ەدىك. ەڭبەكاقى ايتارلىقتاي ءوستى»، - دەدى مينيستر ت م د- عا مۇشە ەلدەر مۇعالىمدەرى مەن باسقا دا ءبىلىم بەرۋ قىزمەتكەرلەرىنىڭ VII سەزىندە.

مينيستر پەداگوگتەر وزدەرىنىڭ قۇزىرەتىنە كىرمەيتىن جۇمىستارعا ەندىگى ۋاقىتتا تارتىلمايتىنىن، ول زاڭدى تۇرعىدا شەشىلگەنىن باسا ايتتى.

«ەستەرىڭىزدە بولسا، ەرتەرەكتە ولار پاتەر جاعالاپ، ەسىك قاعىپ، وزدەرىنىڭ جۇمىسىنا كىرمەيتىن ىستەردى اتقاراتىن. ەسەپ-قيسابى دا كوپ ەدى. بارلىق ءىس-شارا پەداگوگ ارىپتەستەرىمىزدىڭ موينىنا ارتىلاتىن. سوندىقتان بۇل مااسەلەنىڭ ءبارىن زاڭنىڭ قابىلدانۋى ارقاسىندا تۇبەگەيلى شەشتىك. بۇل جۇمىستا ارى قاراي دا جالعاستىرا بەرەمىز»، - دەدى اسحات ايماعامبەتوۆ.