كاپيتالدى شەتەلگە زاڭسىز شىعارۋعا جول بەرىلمەيدى - مەملەكەت باسشىسى

قاراعاندى. قازاقپارات - مەملەكەت ەلىمىزدە جۇمىس ىستەيتىن بارلىق ءىرى ءوندىرۋشى كومپانيالاردىڭ قىزمەتىن وتە ءجىتى باقىلايدى.

بۇل تۋرالى پرەزيدەنت قاسىم- جومارت توقايەۆ قاراعاندى وبلىسى جۇرتشىلىعىمەن كەزدەسۋىندە ايتتى، دەپ حابارلايدى قازاقپارات اقوردانىڭ باسپا ءسوز قىزمەتىنە سىلتەمە جاساپ.

«مەملەكەت ەلىمىزدە جۇمىس ىستەيتىن بارلىق ءىرى ءوندىرۋشى كومپانيالاردىڭ قىزمەتىن وتە ءجىتى باقىلايدى. ءبىز كاپيتالدى شەتەلگە زاڭسىز شىعارۋعا جول بەرمەيمىز. ولاردىڭ ءتۇرلى الەۋمەتتىك باعدارلامالاردى جۇزەگە اسىرۋىن قاداعالاپ وتىرامىز. ءوندىرىستى جاڭعىرتۋ ۇدەرىسىنە، ەكولوگيانى قورعاۋ ىسىنە ەرەكشە نازار اۋدارىلادى. سالىق تولەماقىسى ەرەكشە باقىلاۋدا. ەگەر ءىرى ونەركاسىپ كاسىپورىندارى بۇل تالاپتارعا ساي كەلمەسە، ءبىز سەرىكتەستىكتى توقتاتۋعا ءماجبۇر بولامىز. بۇل - ەشقانداي قورقىتۋ ەمەس، كەرىسىنشە بۇكىل وركەنيەتتى الەمدە قابىلدانعان قاراپايىم، ادال جانە ءادىل جۇمىس ەرەجەلەرى. قازاقستاندا وليگارحتىق كاپيتاليزمنىڭ زامانى ءوتىپ، ەل ازاماتتارىنىڭ الدىنداعى الەۋمەتتىك جاۋاپكەرشىلىكتى سەزىنەتىن كەزەڭ جەتتى. ازاماتتارىمىزعا ءتيىمدى ءارى الەۋمەتتىك جاۋاپكەرشىلىكتى سەزىنەتىن، ەل ەكونوميكاسىندا جەتەكشى ورىنداعى بيزنەس كەرەك»، - دەدى ق ر پرەزيدەنتى.

ۇكىمەت مونوقالالاردىڭ كوممۋنالدىق جەلىلەرىن جوندەۋگە جۇمسالاتىن قارجى كولەمىن ارتتىرۋى قاجەت.

«شاعىن قالالارداعى تاعى ءبىر ماسەلە - ينجەنەرلىك ينفراقۇرىلىمنىڭ ابدەن توزۋى. بۇل ماسەلەنىڭ شەشىمىن تابۋ ءۇشىن قوماقتى قاراجات كەرەك. ۇكىمەت مونوقالالاردىڭ كوممۋنالدىق جەلىلەرىن جوندەۋگە جۇمسالاتىن قارجى كولەمىن ارتتىرۋى قاجەت. سەبەبى، ءبىزدىڭ ازاماتتارىمىز قاي قالانىڭ تۇرعىنى بولسا دا، تازا، جاسىل جەلەككە تولى، باقۋاتتى، گۇلدەنگەن ورتادا ءومىر ءسۇرۋى كەرەك. ونى قامتاماسىز ەتۋ - مەملەكەتتىڭ مىندەتى»، - دەدى ق ر پرەزيدەنتى.