قاراعاندى تابيعي بايلىعىمەن عانا قازىنالى دەپ اتالماعانى انىق - پرەزيدەنت
«قاراعاندى تابيعي بايلىعىمەن عانا قازىنالى دەپ اتالماعانى انىق. سارى ارقانىڭ ءدال جۇرەگىندە ورنالاسقان ايماقتىڭ رۋحاني قازىناسى دا وراسان زور. تالاي تاريحي وقيعانىڭ كۋاسى بولعان شەجىرەلى ايماقتان قازاقتىڭ كوپتەگەن ءبىرتۋار تۇلعالارى شىققان. قاراعاندى ءوڭىرى - ءاليحان بوكەيحان، جاقىپ اقبايەۆ، ءالىمحان ەرمەكوۆ سياقتى الاش ارىستارى دۇنيەگە كەلگەن قاسيەتتى جەر»، - دەدى مەملەكەت باسشىسى.
قاراعاندى وبلىسىنىڭ ونەركاسىپ ءوندىرىسىنىڭ جالپى كولەمىندە وڭدەۋ سەكتورىنىڭ ۇلەسى 80 پايىزدى قۇرايدى.
«وبلىستىڭ ونەركاسىپ ءوندىرىسىنىڭ جالپى كولەمىندە وڭدەۋ سەكتورىنىڭ ۇلەسى 80 پايىزدى قۇرايدى. بۇل كورسەتكىش بويىنشا ايماق كوش باستاپ تۇر. سونداي- اق وسى باعىتتى ودان ءارى دامىتۋ ءۇشىن وبلىستىڭ مۇمكىندىگى مول. بيىلعى شىلدەدە وتكەن ۇكىمەتتىڭ كەڭەيتىلگەن وتىرىسىندا وڭدەۋ سالاسىنداعى ينۆەستيتسيالىق جوبالاردىڭ پۋلىن جاساقتاۋ جۇمىستارىنا باسا ءمان بەرۋ قاجەتتىگى تۋرالى ايتتىم. كۇردەلى گەوساياسي احۋالعا جانە الەمدىك ەكونوميكالىق جاعدايدىڭ تۇراقسىزدىعىنا بايلانىستى وتاندىق ەكونوميكانى ءارتاراپتاندىرۋدىڭ ماڭىزى ودان ءارى ارتا تۇسەدى»، دەدى مەملەكەت باسشىسى.