توقايەۆ: قاراعاندى - ەلىمىزدەگى ۋربانيزاتسيا دەڭگەيى ەڭ جوعارى وبلىس
بۇل تۋرالى پرەزيدەنت قاسىم-جومارت توقايەۆ قاراعاندى وبلىسى جۇرتشىلىعىمەن كەزدەسۋىندە ءمالىم ەتتى، دەپ حابارلايدى قازاقپارات اقوردانىڭ باسپا ءسوز قىزمەتىنە سىلتەمە جاساپ.
«قاراعاندى - ەلىمىزدەگى ۋربانيزاتسيا دەڭگەيى ەڭ جوعارى وبلىس. ءوڭىر حالقىنىڭ 80 پايىزى قالادا تۇرادى. مۇنداعى ءوندىرىستىڭ ەداۋىر بولىگى 5 مونوقالانىڭ ەنشىسىندە. وبلىس تۇرعىندارىنىڭ 40 پايىزى وسىندا قونىستانعان. قالا حالقىنىڭ تىرشىلىگى ونداعى ءىرى كاسىپورىندارعا تاۋەلدى ەكەنى جاسىرىن ەمەس. شاعىن قالالاردان حالىق كوشىپ جاتىر. بۇل - وزەكتى ماسەلە»، - دەدى ق ر پرەزيدەنتى.
سونىمەن قاتار پرەزيدەنت ە لىمىزدە «قۋاتتى وڭىرلەر - ەل دامۋىنىڭ درايۆەرى» اتتى ۇلتتىق جوبا جۇزەگە اسىرىلىپ جاتقانىن جەتكىزدى.
«اكىمدىك ۇكىمەتپەن بىرلەسىپ، وسى جوبا اياسىندا باسقا دا شاعىن قالالاردا ىرگەلى باستامالاردى قولعا الۋى كەرەك. ەكونوميكانى ءارتاراپتاندىرۋ ىسىندە بالقاش وزگەلەرگە ۇلگى بولا الادى. مۇندا ءىرى ونەركاسىپ ورىندارىمەن قاتار تۋريزم سالاسىن وركەندەتۋگە زور مۇمكىندىك بار»، - دەپ تولىقتىردى مەملەكەت باسشىسى.