ءماجىلىس كاسپي تەڭىزىندەگى شەكارالاردى بەكىتەتىن العاشقى زاڭ جوباسىن ماقۇلدادى

استانا. قازاقپارات - بۇگىن ءماجىلىستىڭ جالپى وتىرىسىندا «قازاقستان رەسپۋبليكاسى مەن تۇرىكمەنستان اراسىنداعى كاسپي تەڭىزىندەگى قازاقستان- تۇرىكمەنستان مەملەكەتتىك شەكاراسىن مەجەلەۋ جانە بالىق اۋلاۋ ايماقتارىنىڭ شەكتەس ۋچاسكەلەرىن ءبولۋ تۋرالى شارتتى راتيفيكاتسيالاۋ تۋرالى» زاڭ جوباسى ماقۇلداندى، دەپ حابارلايدى قازاقپارات ءتىلشىسى.

بۇل شارتقا 2021 -جىلعى 25- قازاندا اشحاباد قالاسىندا قول قويىلدى.

«شارتقا سايكەس تاراپتار قازاقستان مەن تۇرىكمەنستان اراسىنداعى اۋماقتىق سۋلاردى جانە بالىق اۋلاۋ ايماقتارىنىڭ شەكتەس ۋچاسكەلەرىن بولەتىن كاسپي تەڭىزىندەگى ەكى ەلدىڭ اراسىنداعى مەملەكەتتىك شەكاراسىنىڭ سىزىعىن انىقتادى. قۇجاتتىڭ راتيفيكاتسيالانۋى جانە كۇشىنە ەنۋى وڭتۇستىك مەجەلەردە قازاقستان رەسپۋبليكاسىنىڭ مەملەكەتتىك شەكاراسىن دەليميتاتسيالاۋ ۇدەرىسىن تولىق اياقتاۋعا مۇمكىندىك بەرەدى»، - دەدى ق ر پرەمەر- ءمينيسترىنىڭ ورىنباسارى - سىرتقى ىستەر ءمينيسترى مۇحتار تىلەۋبەردى.

ونىڭ ايتۋىنشا، شارت كاسپي تەڭىزى جاعالاۋىنداعى ەلدەر اراسىنداعى مەملەكەتتىك شەكارانى زاڭدى تۇردە بەكىتەتىن تاريحتاعى العاشقى قۇجات بولماق.

«تۇرىكمەنستان جاعى اتالعان شارتتى بيىل 17- ساۋىردە راتيفيكاتسيالادى. اتالعان زاڭدى قابىلداۋ قازاقستان رەسپۋبليكاسىنىڭ ۇلتتىق زاڭناماسىنا قايشى كەلمەيدى»، - دەدى ق ر پرەمەر- ءمينيسترىنىڭ ورىنباسارى.

اۆتور

رۋسلان عابباسوۆ