پرەزيدەنت سايلاۋى: ۇلتتىق ۆولونتەرلىك جەلىسى قاسىم-جومارت توقايەۆتىڭ كانديداتۋراسىن ۇسىندى
بۇگىن ەلوردادا ۇلتتىق ۆولونتەرلىك جەلىسىنىڭ جيىنى ءوتتى. اتالعان جيىندا ەلىمىزدىڭ ۆولونتەرلەر قاۋىمى 20- قاراشادا وتەتىن پرەزيدەنت سايلاۋىنا كانديدات رەتىندە مەملەكەت باسشىسى قاسىم-جومارت توقايەۆتى ءبىراۋىزدان ۇسىندى.
«وسى جىلدار ىشىندە مەملەكەت باسشىسى ۆولونتەرلىك سالاداعى بارلىق ماڭىزدى باستامالاردى قولداپ كەلەدى. سونداي- اق ۆولونتەرلەر مەن ۆولونتەرلىك ۇيىمداردىڭ قىزمەتىن جانە ەڭبەگىن جوعارى باعالادى. پرەزيدەنت ۆولونتەرلەرگە ۇلكەن سەنىم ارتادى، مەملەكەت باسشىسىنىڭ قولداۋى ءبىزدى شابىتتاندىرادى. ق ر پرەزيدەنتى قاسىم- جومارت توقايەۆقا دەگەن سەنىم مانداتىمىز ەلىمىزدىڭ كوركەيۋى مەن حالقىمىزدىڭ مۇددەسى ءۇشىن باعىتتالعان. مەملەكەت باسشىسىنىڭ باستاماسىمەن قولعا الىنعان مەملەكەتتىك باعدارلامالار مەن رەفورمالاردىڭ جەمىسىن بارشا قازاقستاندىق كورىپ وتىر. ءبىزدىڭ پرەزيدەنتىمىز ۆولونتەرلىك قوزعالىستى قولدايدى، ەندەشە ءبىز دە ءوز پرەزيدەنتىمىزدى قولدايمىز»، - دەدى ۇلتتىق ۆولونتەرلىك جەلىسىنىڭ ءتوراعاسى ۆەرا كيم.
ونىڭ ايتۋىنشا، بۇگىندە ەلىمىزدە 200 مىڭنان استام ۆولونتەردى قامتىعان 600 دەن استام ۆولونتەرلىك ۇيىم جۇمىس ىستەيدى.
فوتو: akorda.kz