ۋكراينانىڭ ءتورت ايماعىنىڭ رەسەي قۇرامىنا ءوتۋىن ءبىر عانا مەملەكەت مويىندادى

None
استانا. قازاقپارات - ۋكراينانىڭ ۇلتتىق قاۋىپسىزدىك جانە قورعانىس كەڭەسىنىڭ ەلدىڭ ناتو قۇرامىنا شۇعىل كىرۋى تۋرالى ساۋالى دا پرەزيدەنتپەن ماقۇلداندى. ناتو دەمەكشى، اسكەري بلوكقا مۇشەلىك ەتۋ ءۇشىن وعان كىرەتىن 30 مەملەكەتتىڭ دە كەلىسىمى قاجەت.

بۇعان دەيىن بىرنەشە مەملەكەت ۋكراينانىڭ شەشىمىن قۇپتايتىندارىن ايتقان ەدى. ءبىراق بولگاريا قارسى پىكىر ءبىلدىردى. جەرگىلىكتى بيلىكتىڭ تۇسىندىرۋىنشە، كيەۆ ەڭ الدىمەن رەسەيمەن اراداعى شيەلەنىستى بەيبىت جولمەن شەشۋدىڭ ناقتى پارامەترلەرىن ازىرلەۋى قاجەت. ال سولتۇستىك كورەيا رەسەيدىڭ ءوز قۇرامىنا جاڭا 4 ايماقتى قوسۋ شەشىمىن ماقۇلدايتىنىن جەتكىزدى. ازىرگە بۇل ءتيىستى پىكىر بىلدىرگەن جالعىز عانا مەملەكەت.

ال رەسەيدە قازىر جارتىلاي موبيليزاتسيا جالعاسىپ جاتىر. كورشى ەلدىڭ قورعانىس ءمينيسترىنىڭ مالىمدەۋىنشە، وسى كۇنگە دەيىن موبيليزاتسيا بويىنشا اسكەر قاتارىنا شاقىرىلعاندار سانى 200 مىڭنان اسىپ كەتكەن. بۇعان دەيىن سەرگەي شويگۋ 300 مىڭ ادام شاقىرىلاتىنىن ايتقان ەدى. دەسە دە ۆلاديمير پۋتيننىڭ قول قويعان جارلىعىندا ناقتى ساندار كەلتىرىلمەگەن.

www.24.kz

سوڭعى جاڭالىقتار