پۋتيننىڭ قول قويۋى قالدى: ۋكرايناداعى ءتورت ءوڭىردىڭ تاعدىرى

None
استانا. قازاقپارات - ۋكراينانىڭ ءتورت ايماعىنىڭ رەسەي قۇرامىنا ءوتۋى تۋرالى كەلىسىمنىڭ كۇشىنە ەنۋى ءۇشىن تەك ۆلاديمير پۋتيننىڭ قول قويۋى عانا قالدى. بۇعان دەيىن قۇجاتتاردى كونستيتۋتسيالىق سوت، مەملەكەتتىك دۋما بەكىتىپ، ەندى مىنە بۇگىن فەدەراتسيا كەڭەسىنىڭ دەپۋتاتتارى ءبىر اۋىزدان ماقۇلدادى.

ءبىر قىزىعى، كەلىسىمدەردە ايماقتاردىڭ شەكاراسى انىقتالماعان. زەلەنسكي دە قاراپ وتىرعان جوق. پۋتينمەن كەلىسسوز جۇرگىزبەيتىنىن ءسوز جۇزىندە ايتىپ قانا قويماي، زاڭمەن بەكىتتى. ال ۋكراينانىڭ ءتورت ايماعىنىڭ رەسەيگە قوسىلۋى تۋرالى رەفەرەندۋمدى الەم بولىپ قاتاڭ سىنعا العانى بەلگىلى. ونىڭ ىشىندە ءبىزدىڭ ەل دە بار.

ۋكراينانىڭ ءتورت ايماعىنىڭ رەسەيگە قوسىلۋى تۋرالى قۇجاتتارعا ۆلاديمير پۋتين قول قويعان سوڭ وڭىرلەر ءۇشىن اۋىسپالى كەزەڭ باستالدى. ول 2026 -جىلدىڭ 1- قاڭتارىنا دەيىن جالعاسادى. ال ونداعى زاڭ شىعارۋشى ورگاندارعا سايلاۋ كەلەر جىلدىڭ قىركۇيەگىنە بەلگىلەندى. كەلىسىمگە سايكەس، رەسەي ەندى ءوزىن ءوزى جاريالاعان دونەتسك جانە لۋگانسك حالىق رەسپۋبليكالارى، زاپوروجە مەن حەرسون وبلىستارىنىڭ تۇرعىندارىن ءوز ازاماتتارى سانايدى. بۇعان كەلىسپەگەندەر ءبىر اي ىشىندە رەسەيلىك ءتولقۇجات الۋعا كەلىسپەيتىندەرىن جاريا ەتۋگە ءتيىس. بۇل تۋرالى كەلىسىمدە جازىلعان.

ءبىراق قۇجاتتا زاپوروجە جانە حەرسون وبلىستارىنىڭ شەكارالارى انىقتالماعان. ەندى كوبىن وسى سۇراق مازالاپ وتىر. بۇعان قاتىستى كرەمل بىلاي دەيدى.

دميتري پەسكوۆ، ر ف پرەزيدەنتىنىڭ باسپا ءسوز حاتشىسى «ل ح ر جانە د ح ر ءۇشىن 2014 -جىلعى شەكارالار ساقتالادى. ال حەرسون جانە زاپوروجەنىڭ شەكارالارىنا قاتىستى ءبىز ءالى وسى وبلىستاردىڭ حالقىمەن اقىلداساتىن بولامىز. ناقتى ەشتەڭەنى ءدوپ باسىپ ايتا المايمىن. مۇنى سول جەردە تۇراتىن ادامدار شەشەدى».

رەسمي كيەۆ ۆلاديمير پۋتينمەن كەلىسسوزدەر جۇرگىزبەيتىنىن ايتقان ەدى. ۋكراينانىڭ ۇلتتىق قاۋىپسىزدىك جانە قورعانىس كەڭەسىنىڭ ءتيىستى شەشىمىنە بۇگىن ۆلاديمير زەلەنسكي قول قويدى.

ۆلاديمير زەلەنسكي، ۋكراينا پرەزيدەنتى:

- ءبىز ءاۋ باستان- اق كەلىسوزدەردى قولداپ كەلدىك. الايدا بيلىك باسىندا ۆلاديمير پۋتين بولعاندا ودان تۇك شىقپايتىنىنا كوزىمىز جەتتى. سوندىقتان ءبىز رەسەيدىڭ باسقا پرەزيدەنتىمەن عانا كەلىسسسوزدەر جۇگىزەمىز.

www.24.kz

سوڭعى جاڭالىقتار