جالعان شوت- فاكتۋرالار ازىرلەگەن استانالىق سوتتالدى
ي 2020 جانە 2022 -جىلعى 1- توقساندا كونتراگەنت - كاسىپورىندار سالىق تۇرىندە تولەمەگەن 1 ميلليارد 217 ميلليون تەڭگە سوماسىندا مەملەكەتكە اسا ءىرى زالال كەلتىرە وتىرىپ، باقىلاۋداعى 10 كاسىپورىننىڭ اتىنان ءىس جۇزىندە جۇمىستاردى ورىنداماي، قىزمەتتەر كورسەتپەي، تاۋارلاردى جونەلتپەي شوت- فاكتۋرالار ازىرلەۋدى ۇيىمداستىرعان.
«ي قىلمىستى ۇيىمداستىرۋشى رەتىندە كاسىپورىنداردى ساتىپ الىپ، تىركەگەن جانە ولار ارقىلى جالعان شوت- فاكتۋرالار ازىرلەگەن. وسىنداي قىزمەتتەرگە مۇقتاج كونتراگەنتتەردى ىزدەپ، ولارمەن مامىلە شارتتارىن تالقىلاپ، سودان كەيىن قولما- قول اقشاعا ايىرباستاپ وتىرعان»، - دەپ جازدى ۆەدومستۆو.
سوتتالۋشى كىناسىن تولىق مويىندادى. بۇدان باسقا، ونىڭ كىناسى كۋالاردىڭ ايعاقتارىمەن، قوسىلعان قۇن سالىعىنىڭ ناتيجەلەرىمەن، سوت- ەكونوميكالىق ساراپتامانىڭ قورىتىندىسىمەن، مەملەكەتتىك كىرىس دەپارتامەنتى ماماندارىنىڭ قورىتىندىلارىمەن جانە ءىستىڭ باسقا دا ماتەريالدارىمەن دالەلدەندى.
ق ك- ءنىڭ 216-بابى 3-بولىگىنىڭ سانكتسياسى 7 جىلعا دەيىنگى مەرزىمگە باس بوستاندىعىنان ايىرۋ تۇرىندەگى جازانى كوزدەيدى. سوت قىلمىستىق جاۋاپتىلىق پەن جازانى جەڭىلدەتەتىن ءمان- جايلار رەتىندە كىنانى مويىنداۋى مەن شىن وكىنۋىن تانىدى.
ي- ءدىڭ ارەكەتتەرىندە قىلمىستاردىڭ قايتالانۋى جاۋاپكەرشىلىكتى اۋىرلاتاتىن جاعداي بولىپ تابىلادى، ويتكەنى ول بۇرىن اۋىر قىلمىس جاساعانى ءۇشىن سوتتالعان جانە قايتادان اۋىر قىلمىس جاساعان.
كورسەتىلگەن ءمان- جايلاردى ەسكەرە وتىرىپ، جەڭىلدەتەتىن جانە اۋىرلاتاتىن ءمان- جايلاردىڭ بولۋىن ەسكەرگەن سوت ي- عا كوممەرتسيالىق ۇيىمداردا باسشى لاۋازىمداردى اتقارۋعا، ونىڭ ىشىندە 6 جىل مەرزىمگە شوت- فاكتۋرالاردى ازىرلەۋگە بايلانىستى لاۋازىمداردى اتقارۋعا تىيىم سالدى. سونىمەن قاتار ەڭ جوعارى قاۋىپسىزدىك قىلمىستىق- اتقارۋ جۇيەسى مەكەمەسىندە 4 جىلعا باس بوستاندىعىنان ايىرۋ تۇرىندەگى جازا تاعايىندادى.
مۇلىكتى تاركىلەۋ وعان قولدانىلمادى، ويتكەنى سوتقا دەيىنگى تەرگەپ- تەكسەرۋ بارىسىندا سوتتالعان ادامنىڭ قىلمىستىق جولمەن الىنعان نەمەسە قىلمىستىق جولمەن تاپقان قاراجاتىنا ساتىپ الىنعان مۇلكىنىڭ بولۋى انىقتالمادى.
ءىس بويىنشا ازاماتتىق تالاپ قويىلعان جوق.
ۇكىم زاڭدى كۇشىنە ەنگەن جوق.
رەداكتور
اسحات رايقۇل