باقىتگۇل حامەنوۆانىڭ سوتى كەيىنگە قالدىرىلدى
4 قازان, 21:38

باقىتگۇل حامەنوۆانىڭ سوتى كەيىنگە قالدىرىلدى

اتىراۋ. قازاقپارات - اتىراۋ وبلىسى اكىمىنىڭ بۇرىنعى ورىنباسارى باقىتگۇل حامەنوۆانىڭ سوتى كەيىنگە شەگەرىلدى، دەپ حابارلايدى قازاقپارات ءتىلشىسى.

وبلىستىق سوتتىڭ باسپا ءسوز قىزمەتى حابارلاعانداي، اتىراۋ وبلىسى اكىمىنىڭ ەكس-ورىنباسارى باقىتگۇل حامەنوۆانىڭ ءىسى بويىنشا 3- قازانعا بەلگىلەنگەن سوت وتىرىسى 13- قازانعا قالدى.

تاراپتار پىكىرتالاسىن جالعاستىرۋ جوسپارلانعان سوت وتىرىسى 2№ قالالىق سوتتا ءوتۋى ءتيىس بولاتىن. سوت وتىرىسى سوتقا ءتوراعالىق ەتۋشى سۋديا جۇماعالي ءتاشىموۆتىڭ ناۋقاستانىپ قالۋىنا بايلانىستى كەيىنگە شەگەرىلدى.

ەسكە سالساق، بيىلعى 26- مامىردا اتىراۋ قالاسىنىڭ 2№ سوتىنا ق ر قىلمىستىق كودەكسى 366-بابىنىڭ 3-بولىگى 2-تارماعىمەن اتىراۋ وبلىسى اكىمىنىڭ ورىنباسارى باقىتگۇل حامەنوۆاعا، اتىراۋ وبلىسى مادەنيەت، تىلدەردى دامىتۋ جانە ارحيۆ ءىسى باسقارماسىنىڭ باسشىسى اقىلبەك رىسقاليەۆكە، ق ر قىلمىستىق كودەسى 367-بابىنىڭ 2-بولىگىمەن «ب» ج ش س ديرەكتورىنا قاتىستى قىلمىستىق ءىس ءتۇستى.

14- ماۋسىمعا بەلگىلەنگەن سوت پروتسەسى بىرنەشە رەت كەيىنگە قالدىرىلىپ، 11- تامىزدا باستالدى.

باقىتگۇل حامەنوۆا سوتتا وزىنە تاعىلعان ايىپتى مويىنداعان جوق.

بۇعان دەيىن، ياعني 3- تامىزدا ايىپتالۋشى وبلىس اكىمىنىڭ ورىنباسارى لاۋازىمىنان بوساتىلعان.

سوت وتىرىسى 6- قىركۇيەكتە قايتا جالعاستى.

باقىتگۇل حامەنوۆا سوت وتىرىسىندا جىبەرگەن قاتەلىگى تۋرالى ايتتى.

سونداي-اق، انتيكور حامەنوۆاعا قاتىستى مالىمدەمە جاسادى.

جاڭالىقتار