قازاقستاندا قاي سالا ماماندارىنىڭ جالاقىسى از؟
بۇل بىلتىرمەن سالىستىرعاندا 22,9 پايىزعا كوپ، - دەپ حابارلايدى Ranking.kz.
سالىستىرمالى تۇردە 2021-جىلى قازاقستاندىق كومپانيا قىزمەتكەرلەرىنىڭ ورتاشا ايلىق جالاقىسى 233,5 مىڭ تەڭگە بولعان. بۇل 2020-جىلدىڭ ەكىنشى توقسانىمەن سالىستىرعاندا 18 پايىزعا كوپ.
بيىل ەڭ كوپ جالاقى تاۋ-كەن ءوندىرۋ ونەركاسىبى جانە كارەرلەردى قازۋ، سونداي-اق قارجى جانە ساقتاندىرۋ قىزمەتى سالالارىنداعى قىزمەتكەرلەردە بايقالعان: 561,6 مىڭ جانە 540,4 مىڭ تەڭگە.
ودان كەيىنگى ورىندا - اقپارات جانە بايلانىس سالاسىنىڭ قىزمەتكەرلەرى (378,9 مىڭ تەڭگە)، كاسىبي، عىلىمي جانە تەحنيكالىق سالا ماماندارى (378,7 مىڭ تەڭگە)، كولىك جانە ساقتاۋ سالاسىنىڭ ماماندارى (330,4 مىڭ تەڭگە).
ال دەنساۋلىق ساقتاۋ سالاسى ماماندارىنىڭ جالاقىسى 2021-جىلدىڭ ەكىنشى توقسانىمەن سالىستىرعاندا 1,6 پايىزعا ازايعان.
از جالاقى سۋمەن جابدىقتاۋ، سونداي-اق قالدىقتاردى جيناۋ، وڭدەۋ جانە جويۋ، لاستانۋدى جويۋ جونىندەگى قىزمەت سالالارىنىڭ قىزمەتكەرلەرىندە (167,9 مىڭ تەڭگە)، اۋىل، ورمان جانە بالىق شارۋاشىلىعى قىزمەتكەرلەرىندە (171,1 مىڭ تەڭگە)، سونداي-اق ونەر، ويىن-ساۋىق جانە دەمالىس قىزمەتكەرلەرىندە (179,4 مىڭ تەڭگە).
ال وڭىرلەر بويىنشا، 2022-جىلدىڭ ەكىنشى توقسانىندا اتىراۋ جانە ماڭعىستاۋ وبلىستارىنداعى مۇناي ءوندىرۋ سالاسى قىزمەتكەرلەرىنىڭ جالاقىسى كوپ بولعان: 471,9 مىڭ جانە 414,8 مىڭ تەڭگە. ودان كەيىن ۇلىتاۋ وبلىسىندا - 364 مىڭ تەڭگە، استانادا - 346,7 مىڭ تەڭگە جانە الماتىدا 314,8 مىڭ تەڭگە.
ەڭ از جالاقى سولتۇستىك قازاقستان وبلىسىندا (212,1 مىڭ تەڭگە)، شىمكەنتتە (218,7 مىڭ تەڭگە) جانە قوستاناي وبلىسىندا (223,8 مىڭ تەڭگە) تىركەلگەن.