بوكسشى ءالي احمەدوۆ كەلەسى جەكپە-جەگىن جەلتوقساندا وتكىزۋى مۇمكىن

استانا. قازاقپارات - ورتا سالماقتاعى قازاقستاندىق بوكسشى ءالي احمەدوۆ قىركۇيەكتەگى جەڭىسىنەن كەيىن رينگكە قايتىپ ورالاتىن ۋاقىتىن جاريالادى، دەپ حابارلايدى قازاقپارات Sports.kz سايتىنا سىلتەمە جاساپ.

18- قىركۇيەكتە احمەدوۆ لاس-ۆەگاستا گەننادي گولوۆكين - ساۋل «كانەلو» الۆارەس اراسىنداعى ءۇشىنشى بوكس كەشى اياسىندا جۇدىرىقتاسىپ، وندا تورەشىلەردىڭ ءبىراۋىزدان قابىلداعان شەشىمىمەن امەريكالىق گابريەل روسادونى جەڭىپ، ەكىنشى ورتا ديۆيزيونداعى بوس بولعان WBC Silver جانە IBF North American چەمپيونى تيتۋلدارىن يەلەندى.

«مەنىڭ كوماندام كەلەسى جەكپە-جەگىمە قاتىستى جۇمىس جۇرگىزۋدە. ول جەلتوقساندا وتەدى دەپ ۇمىتتەنەمىن»، - دەپ ءبولىستى ول The Ring باسىلىمىنا بەرگەن سۇحباتىندا.

ءالي احمەدوۆ - گولوۆكيننىڭ GGG Promotions پروموۋتەرلىك كومپانياسىنىڭ بوكسشىسى.