بۇقتىرما سۋ قويماسىنداعى كوپىر جوندەلىپ جاتىر
جۇمىس 40 مەتر تەرەڭدىكتە ءارى ۋاقىتشا سالىنعان قوسىمشا كوپىر ارقىلى جۇرگىزىلىپ جاتىر. مۇنداي ءتاسىل اۋا رايىنىڭ قولايسىز كەزىندە قۇرىلىسشىلاردىڭ توقتاۋسىز ەڭبەك ەتۋىنە مۇمكىندىك بەرەدى. مەردىگەر مەكەمە وكىلدەرىنىڭ ايتۋىنشا جوبادا ساپالى ءارى مىقتى ماتەريالداردى قولدانۋ كەرەگى كورسەتىلگەن. قولعا الىنعان اۋقىمدى شارۋا 2024 -جىلدىڭ سوڭىنا دەيىن اياقتالادى. سول كەزدە شىعىس قازاقستان مەن اباي وبلىستارىنىڭ جانە سەمەي مەن وسكەمەننىڭ ءۇش اۋدانىن بايلانىستىراتىن نىسان ارقىلى تاۋلىگىنە 20 مىڭ اۆتوكولىك وتەدى.
نىعماتۋللا ابدۋلحاقوۆ، مەردىگەر مەكەمە ديرەكتورىنىڭ ورىنباسارى:
- بىرىنشىدەن، بۇل وتە قاۋىپسىز كوپىر بولادى. ويتكەنى نەگىزگى وتكەلدىڭ جانىندا مۇز ويعىش تۇرادى. ەكىنشىدەن، ءبىز وسىندا ەكى قىس قىستادىق. سوندا ايتارلىقتاي قالىڭ مۇز قاتقانىن كورگەن جوقپىز.
www.24.kz